صحيفة قورينا الجديدة

بلحاج: تم القبض على المتهمين في أحداث شارع الزاوية

عبر رئيس المجلس العسكري  في مدينة طرابلس عبد الحكيم بلحاج  عن أسفه عن ماحدث اليوم بالعاصمة طرابلس من أحداث نتيجة الخلاف بين ثوار مصراتة وأعضاء المجلس المحلي شارع الزاوية سيدي خليفة.

وأوضح بلحاج – خلال مؤتمر صحفي مشترك عقده مع رئيس اللجنة الأمنية العليا لمدينة مصراتة مساء الثلاثاء بفندق ريكسوس بطرابلس- أن الاشتباكات التي دارت اليوم أسفرت عن 4 قتلى وجرح 5 آخرين، مؤكدا  أنه تم السيطرة على الموقف وتم القبض على من تسببوا  في هذه الاشتباكات وتم إحالتهم للقضاء .

وأكد رئيس المجلس العسكري، أنه سيتم إحالة  المتهمين إلى  القضاء وأن هذه التصرفات  تعتبر غير مسؤولة ولا تعبر عن  كافة الثوار، مؤكدا أنه تم السيطرة على الموقف منذ بدايته، متمينا أن يعود الأمن والأمان إلى العاصمة بأسرع وقت حتى يشعر المواطن بالارتياح .

 ورداً على سؤال ماهو مصير المتسببين في هذه المشكلة قال بلحاج أنه قد تم القبض عليهم بالكامل وهم الآن موجودين بالمجلس العسكري بطرابلس وسيتم إحالتهم للقضاء ، مشيراً إلى الإعلام المحلي والعالمي يجب إلا يستقي الأخبار من غير المسؤولين.

 يشار إلى أن  مراسل صحيفة قورينا الجديدة بمدينة طرابلس قد ذكر  أن 6 قتلى سقطوا خلال اشتباكات دارت اليوم الثلاثاء بين عدد من ثوار مصراتة وثوار منطقة سيدي خليفة المتمركزين بمبنى الاستخبارات سابقا.

وأضاف المراسل أن هذه الاشتباك كان نتيجة لاعتقال ثوار منطقة سيدي خليفة لعدد ثلاثة ثوار من مصراتة وقاموا بتعذيبهم وسبهم وشتمهم لأنهم حسب قولهم كانوا من المتطوعين في كتائب القذافي ومن ثم انضموا إلى الثوار.

وأوضح المراسل أنه تم الإفراج عنهم في اليوم التالي مقيدين، الأمر الذي دفعهم إلى حشد قوة والهجوم على مقر اعتقالهم مطالبين بتسليمهم من قام بتعذيبهم، مشيرا إلى أن هناك رتل عسكري متوجه من مصراتة إلى طرابلس وهو على مشارف مدينة الخمس الآن.

وأكد المراسل أن سرايا الثوار والمجلس العسكري أبلغهم أنه عليهم إحالتهم إلى النيابة إن ثبت جرمهم، وتم محاصرة ثوار سيدي خليفة بالمقر وإغلاق كافة المخارج والمنافذ عليهم مما اضطرهم إلى الدفاع عن أنفسهم.

وأشار إلى أن الثوار منتشرين في مدينة طرابلس بشكل مكثف، وتم إغلاق شارع المحكمة العليا بزاوية الدهماني ومنعوا مرور المواطنين لدواعي أمنية، لافتا إلى سماع دوي انفجار عنيف في مبنى الاستخبارات سابقا الذي تستخدمه ثوار سيدي خليفة.

من جهته، ذكر  أحد أفراد كتيبة أسود الصحراء بمصراتة محمد أحمد لقورينا الجديدة، أن الرتل الذي سوف يصل إلى طرابلس قادما من مصراتة هم أمراء كتائب ثوار مصراتة لحل هذه القضية مع المجلس العسكري في شارع الزاوية وليس لمناصرة  ثوارهم .

وأضاف أحمد أن مشايخ من طرابلس سوف يجتمعون مع أمراء كتائب مصراتة ووفد من المجلس العسكري للمنطقة للمحادثات بينهم، مشيرا إلى أن مطالب ثوار مصراتة هو الإفراج عن المعتقلين داخل مقر الاستخبارات سابقا.

 وأكد أن ثوار شارع الزاوية وضعوا 14.5 فوق أحدى المصارف في المنطقة وكذلك فوق مقر الاستخبارات، مضيفا أن الأوضاع قد عادت للهدوء بعد وصول مشايخ مدينة طرابلس للتفاوض.

 وأوضح أن ثوار مصراتة لن يدخلوا في اشتباكات أخرى وذلك درء للفتن وحقنا لدماء الليبيين في هذا الوقت الحساس، مشيرا إلى أن قدوم ثوار مصراتة إلى طرابلس بعلم من المجلس العسكري لمصراتة.

 من جهته قال رئيس المجلس العسكري مصراتة سالم جحا في تصريحات صحيفة، إنه لا حصانة لأي ليبي يرفع بندقيته في وجه ليبي من القانون مشيرا إلى أن ثوار مصراتة وقعوا في خطأ بالمطالبة بإخراج محتجزين من عناصرها في مبنى الاستخبارات باستخدام القوة.

 قورينا الجديدة –نوري بلحاج

77 تعليقات على “بلحاج: تم القبض على المتهمين في أحداث شارع الزاوية”

  1. isam ib

    ااالله يستر البلاد والعباد

    • هذا الامر كله عائد الى انتشار السلاح فما أسميهم بثوار الغنائم الذين سارعوا لنهب طرابلس “”وكنسوها بعرجون”" واسسوا ترسانه حربية ليس للدفاع عن امن ليبيا بل لترهيب أي منطقة وحتى أي ليبي يفكر في انتقادهم او مطالبتهم برد ما نهبوه من ممتلكات عامة وخاصة ودليل ذلك أن الزنتان ومصراته ومن والاهم لهم سلطة القبض على أي مواطن ولو بالإشتباه أو بواشيه مغرضه دون رادع يردعهم ولا حتى المجلس أو الحكومة الانتقاليه لها سلطة عليهم هذا إذا هم أعترفوا من الاصل، فهم الان نصبوا من أنفسهم الحاكم والقاضي والجلاد وبالتالي من يتكلم ينقص لسانه ويحاكم وفق سيف هواهم وليس بحكم الشرع أو القانون الليبي “”"مع احترامي الشديد للثوار الحقيقيين الذين انتفظوا من اجل ليبيا “”" وللأسف كان حلماً من خيالاً فهوى فما أن رفع سيف النظام السابق على رقبة الليبي حتى تهاوت على رقبتة بالطات بل ورشاشات ثوار الغنائم والقيائل ذات النزعة العنصرية…… لك الله ايها المواطن الليبي ويا بلدي الحبيب ليبيا

  2. عبالمجيد

    الله ياخذ الحق ولو بعد حين هذه الكتيبة التي من مصراته متمركزه في منازل اشخاص ومنها منزل سعيد راشد بغرغور ويقومون بخطف وتعديب وقتل بهذا المنزل ونحن اهالي منطقة غرغور نناشد الاخ بلحاج باخراجهم فهذه المنطقة سكنية ويكفينا ارهاب ازلام القذافي سابقا والمنطقة خالية من هولاء الازام فماسبب بقائهم علما بانه قد تم نهب المنازل بالمنطقة من قبلهم رجاء الاهتمام .

  3. ولله ياى خوتي فى مصراته انتو على العين والراس وهدي طرابلس هيا بلادكم وعاصمتكم ودمنا دمكم وعرضنا عرضكم وعرضكم عرضنا وانتو اهلنا مش غير خوتنا .. بس ما تعلدوش على شوية المهلوسين المخمورين همي وكل واحد عنده حق بياخده

  4. يا جماعة الأمر عاجل و يستحق معالجة فورية ، لا مشايخ و لا سبعة أرباع ، المشايخ روحهم طويلة و يحتاجوا بازين و طاسة خضرة ماشية و طاسة خضرة جاية و قعدات و مشي و جي و كثرة دي و دوة و تمطيخ فاضي و في النهاية النتيجة فشوش و الموضوع لا يحتاج مماطلة بل يحتاج حل عاجل و إسعاف سريع ، الناس تتناحر . يجب تدخل أعلى المسؤولين في ليبيا بدلا من أن تكون حكومتهم في حدود فندق ريكسوس أو كورنثيا أو تيبستي ، عليهم الخروج لمواجهة هذا الموقف الحساس

  5. Abdussalam

    هذه اخرتها يا ثوار مصراته ما تروحوا لمصراته خيرلكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  6. هههههههههههههه مايطلعوش المسئولين ايخافو على روحهم من تبيه يطلع يحل مشكلة تي وين يا بركه تبيه ينطق اول مايطلع راسه لي الشارع كلهم يمشو ويتلفتو وراهم خايفيين تي عندهم عادي ليبيين يقتلو بعضهم المفرض من الاول مش قالو يطلعو من طرابلس بالسلاح واعطوهم اندارات تي بلاد هيدقه ومهيته يدقو في اليرورو والدولار ومش مدورين الليبيين يا عبدالحكيم بالحاج ربي يكون في عونك يا خوي راح تتعب في جرت الشكالات المهيته الي محدوفين علينا في طرابلس تي زرو الهايك معادش نبو حد في طرابلس راح تتازم الامور لو قعدو حتصير مشاكل اكبر اني اول الناس الي ماتو ماهمش قطاطيس وراهم تريس واي حد بيقابلني من كتائب مصراته مش راح يشوف خير حنرد العبره العين بالعين والسن بالسن والبادي اظلم القاتل يقتل ولو بعد حين قالها مصطفى عبدالجليل وقدام القدافي حكمت بالسنه والشرع وبكتاب الله القاتل يقتل
    ومنور يا جليل وضحت الرؤية وتو روحكم يا مصراته بادن الله زي الدجاج حيصيرلكم خشيتو لحفرة الدم ….؟

  7. زمزك يا طرابلس لي مزراطه جيبهم لي حوشك يا تلتال طرابلسي حر على اساس وينها الحرية الي شفتها يا تيس صرصري وتلتال مزراطه هده حريتك والناس الي ماتت اليوم احسبهم زي ما يقولو عليهم مزراطه قالو كلاب وطاحت عليهم طابية تو تشوفو الطابية على من بطيح يا وكاليين الكلاب يا يهود يا مزاريط كان فيكم خير راهو لقاه فيكم معمر الي مش منقص عليكم شي معيشكم يا وكاليين الكلاب مخليلكم بلادكم جنة يا فساد يا متاعين الفروخ المصراتي ايلقيها في صغره ويدورها في كبره وبالعكس ايدورها في صغره ويلقيها في كبره يا قوم لوط وانتا يا طرابلسي حر باين عليك واحد منهم

  8. ليبي حر اشرب الحليب وارقد وفكنا من صبان البنزين على النار دور من يمشى امعاك اسكارا حشاشة ماتو بناقص خلى اخففو على الملائكة لكن مش تقعد اتعمم واترون واتقول مصراته
    لان كلامك كلام طحالب راهو احدر احدر ياخوى حمزة التيس يبها هكى يبى يتأر لسيده من اسود مصراته الى خلصونا من اكبر طاغية فى التاريخ احسن مادارو صفوه من غادى غادى
    لاعندنه وين انحطوه لا انجيبوله جيش يحرسه لان مش حن نستريحو هو ميت وشوفو العرض

  9. اتقوا الله ومن يزرعون الفتنة لن يفلحوا مصراتة اعقل من هدا بكتير

  10. ليلى

    مش حيصير فيها شى الثوار خوت عادى تو يسامحو بعض رز ولحم توتمشى الامور .

  11. patriot

    يا جماعة قيمو لبلاد راهى ماشية فى ستين داهية المجلس راقد على اوذانه و لاهى بالانتخبات و قانون الانتخابات و الحكومة لا تحك و لا تصك اجتماعات و زيارات و تعيينات و اللى متسميين ثوار هايسين فيها قتل و ضرب و سرقة تحقير للدولة و مؤسساتها ، و الا جيبونا الناتو من جديد يخلصها كيف ما خلصها من قبل , حسبي الله

  12. حامد نجم

    مش قالوا ان ثوار مصراتة خرجت من طرابلس او ان هذا الكلام كذب وبعدين قورينا دئما اتزيد واتعيد وشاطرة في الفتنة اذا كان ماعندكمش اجندة اخرجوا هذا الكلام وان متاكد انكم لم تستطيع اخراج هذا الكلام ويجب اخراج اشباة ثوار مصراتة من طرابلس لان الثوار الحقيقيين خرجوا من اول ما تم القضاء على الطاغية

  13. ياخوي ليبي حر أستعيذ بالله من الشيطان ياراجل .. وماتعممش راه لما نحكي على مدينة مدنية مش معسكر … المدينة فيها جميع الأطياف كبير وصغير متعلم وجاهل … والله غالب هطاغي طول في الحرب وخلها كلها تحمل السلاح نين طب في إيدين غير صحيحة لكن الثوره مزال ماسكرت سنة …والصبـــــــــر جميل .. وخلي القانون يأخذ مجراه .

  14. تشتش يا بلحاج تعال لي غرغور وطلعهم والله الي شوفته اليوم في غرغور والله معمري ريته. بالله عليك يابلحاج تعاالي وديرنا حل نحن سكان غرغور نناشدكم . والله مني مسامح في اي شخص في حياتي ………. تعبنا تعبنا ايماات معمر وايمات اشباه الثوار .

  15. ahds

    انى احب اوجه كلمة لاخوتنا الثوار من مصراته والزنتان يفترض اخلا كافة المواقع التى تم تحريرها من ازلالام الطاغية وتسليمها للجهة التى كانت تتبعها سابقا والخروج لمناطقكم لانه بلغ السيل الزبى يجب ترك العاصمة وعليكم الانظمام للجيش او الامن وريحوا البلاد

  16. ليبي حر

    الى كل الذين يصطادون في المياه العكره ويحاولون بث الفتنة بين ثوار مصراته الاحرار واهل طرابلس الشجعان نقول .. نحن جميعا قمنا بالثورة ضد الطغاة والمجرمين والمنافقين والقبلين و المنتفعين ولن يفرقنا اخطاء برتكبها هذا او ذاك .. سوف تستمر روح الثورة داخل قلوبنا حتى نجعل ليبيا بلدا متقدم يعيش فيه الليبي رافع الراس بعيدا عن العقول الصغيرة التى تحاول ليل نهار تقسيم ارض ليبيا الى مناطق وقبايل ومدن .. بعيدا عن العقول الصغيرة التى استطاع المقبور السيطرة عليها ودفعها الى تدمير ليبيا بسم الشعارات الزائفة …. فلا تستمعوا الى اى بوق يحاول باسا التفريق بين الثوار وستبقى ليبيا فوق الجميع

  17. خالد أحمد

    مش مجلس مصراتة أمر ثواره ومسلحيه بالخروج من طرابلس من أكثر من أسبوعين. أمالا هادو شن قاعدين إيديرو في طرابلس. تي الظاهر أنها مش محتاجة أزلام وطابور خامس باش تخش بعضها طالما من يدعون أنهم ثوار يحسابو نفسهم فوق القانون وقالك قبض عليهم وسيحاكمو. تي من بيحاكم من هو أصلا” مازال فيه قانون.

  18. رشيد

    االطحلب ما يمشيش ابروحه لين اتركه بطرف لوحا

  19. والله العظيم ياثوار مصراته سمعتم بالحامظ درتوا ما يقطع المصران…نبى نفهم بس شن اديروا فى طرابلس روحوا لحيشانكم بلا ادراه كبد …. روحوا وفكونا من وجوهكم الكالحه خلاص فظت

  20. الهم اهدي الجميع
    المتشائمون هم اخوة الطحالب وخطرهم اشد
    لا وجود للقبليه لا مصراتي لا زنتاني لا امازيغي لا زاوي كلنا ليبيين ليبيين فقط فقط
    عندما صرخت بنغازي كلنا فديناها بدمنا ولان نفدي ليبيا

    ولان في هدا الوقت يجب علي الجميع احترام سيادت القانون وهيبة الدوله واجهزتها
    الامنيه
    ليبيا حره ————-الله اكبر————-الله اكبر————-الله اكبر

  21. رد علي التعليق عبد السلام

    من استعماله لالفاظ الطاغيه هده اخرتها باين عليك طحلب
    توار مصراته متوصلش فيهم انت
    وجلا من لا يخطي ادا كان هناك خطاء

  22. طرابلس العاصمة .. اصبحت تُستباح كل يوم من قبل من اعتبروا انفسهم اوصياء عليها وأنهم هم من حرروها وكأن ما قاموا به إن صح منّه يمنون بها على أهلها .. اخترعوا هذه الكذبه وصدقوها .. ويحاولون كل جهدهم لفرض تصديقها .. اعلموا أن طرابلس يا اشباه الثوار قد تحررت بأهلها وشبابها من الابطال الاشاوس في تاجوراء وسوق الجمعه وفشلوم وبالخير وقرجي وغيرها من المناطق والجلاطين شاهد على ذلك .. كفاكم استباحه .. وارجعوا على اعقابكم واتركوا مرافقها .. فشبابها كفيل بحمايتها .. وكفاكم عبثاً .. فلو كان من يعتبرون انفسهم ثوار من مصراته .. في مدينتهم وبأعمالهم ووظائفهم لما كان ما كان .. وخوفي على ما يُخبأه لطرابلس الزمان

    • السلام عليكم
      من ينكر ان مصراته حررت طرابلس بفعل بساله شجعانها من ينكر ان مصراته قدمت 2000 شهيد من ينكر مصراته انها لديه 900 حاله بتر طرابلس للجميع ونحنوا موجودون هناك ولن نخرج منها وسوف ننظفها من الطالحب ان اعترف 1500 تائر من طرابلس فقط والباقي كلهم طحالب مصراته والزنتان هم صمام الأمان في طرابلس فمصراته هي من تحمي الشخصيات وهي من تحمي المطار وكل المناطق الحيويه لاننكر انا هناك منا من هو يخالف القانزن ويعتقل الناس ولكن نحن نبحت عن من داخل لمدينتنا وعبت فيها وهرب الي طرابلس وانضم للتوار من بعدها فلن نسمح بهدا وسوف نبحت عنهم دار دار

  23. حامد نجم

    بنغازي امنة ولا يوجد بها مشاكل لان اسود بنغازي هم من يحميها لذلك يجب نقل الوزرات و المجلس الوطني الي بنغازي لكي يحسو بالامان

  24. ما يحدث هــــــــو ان مصراتة تــــــــــريد إن تحكم ليبيا ولو يا زرع الفتنه بين الليبيين
    احــــــــــــــــــــــــــــــــــــــــــــــــــــــذر
    من مصراتى يحضر في تهدريز الشيطان

  25. رفعت

    زي العادة حكيم بالحاج بطل الحلقة الأخيرة

  26. االله يهدي الجميع اجعلو مصلحة ليبيا واليبين فوق كل شي والنبني بلدنا الحبيب بالعلم ووالقانون ليعم الخير على الجميع يااهل ليبيا الشرفاء لايجب ان نقف موقف المتفرج على مايحدت

  27. ياجماعة لا مصراتة لا زنتان طرابلس عاصمة كل الليبين الى يبى يعيش بيننا بسلام مرحبتين بيه والى جاي مسلح ويفحج ويحاسب روحه حرر ليبيا هذا معنداش مكان كل واحد يرجع منين جاء واتركو المقرات الحكومية والمساكن ومقرات الشركات وخلو الحكومة تعمل من اجل بنا دولة مدنية ودولة قانون راهو احنا سكان طرابلس نصبر وبعدها سوف نستعمل القوة ونطرد كل المسلحين وخليها تخش بعضها و كل واحد يرجع لحجمه الطبيعى

  28. علي

    يا أخواني الليبيين بدل من القتل والفتن والعنصورية والكلام والتهم وزيد البنزين على النار تعالو انشوف حل للمشكل . وأمرهم شورا بينهم . أول شيء تكون عندنا شفافية . وإقتراحي هو مدام والحمد لله عندنا وزيرا للدفاع وبالأمس انتخب رئيس أركان إذا الحلقة إكتملت بطبيعة الحال وفي القانون ان جميع المجالس العسكرية تكوم تحت إمرت وزير الدفاع وركنه . الأقتراح ليش ما يجوا جميع المجالس العسكرية في ليبيا ويجتمعوا في عاصمتهم طرابلس ويناقشون وضعية السلاح وبقاء مجموعات من الدواخل فيها . ويسمونه مؤتمر نظافة طرابلس من السلاح . ويتكلم كل واحد فيهم علنا وعلى الهواء مباشرة ويعطو الشفافية حقها . بهذه المواقف يرى الشعب الليبي أين الخلل …؟ في هذا لو تعهدوا بالخروج أو انفوا بان ليس لديهم أي أحدا من ثوارهم هنا يبان الأمر . بعد ذلك أي واحد وجد لديه سلاح في طرابلس هو غير ثائر ومن العصابات التخريبية فليقتل فورا . وأكد على الشفافية .وارجوا قبول هذا من الجميع

  29. ان ثوار مصراتة الحقيقيين هم من ترك السلاح وانخرط في الحياة العادية ثوار مصراتة من قاتل في شارع طرابلس والثقيل وزاوية المحجوب والغيران حتى تحررت مصراتة وهم من توجهوا لتحرير باقي المدن وبعد اعلان التحرير وانتهاء الحرب على الطاغية رجعوا لمدينتهم مصراتة ، اما من يطلق عليهم ثوار 20 / 8 ومن بقى بطرابلس بعد طلب المجلس العسكري بمصراتة عودة الثوار فهولاء لايمثلون ثوار مصراتة ولاعلاقة لمصراتة بهم انهم مثلهم مثل الطابور الخامس وهم معروفين بمصراتة وبالتالي اي تصرف منهم يجب ان يحاسبوا عليه
    اما ما كتبه بحر تاجوراء ان الثوتيق في الزمن الحالي يختلف عن زمن الحرب ايام الطليان التى اعتمدت على الرواية الشفاهية تحتمل الصدق او الكذب اما الآن فهناك وسائل الاعلام الحرة والثوتيق بالتصوير والنقل اليومي لوقائع الحرب والصور تبت في كل مكان من الارض وكل مدينة معروفه متى تحركت وهل حررت نفسها ام تحررت بمساعدة الثوار من مختلف المدن ويمكنه الرجوع الى النت ومشاهدة المعارك و يسئل بحر تاجوراء عن جرافات السلاح والرجال اللي نزلوا بتاجوراء من البحر ، وحاليا يكتب من يشاء ان يكتب كما يحلو له فمصرتة مدينة الجهاد منجبت الابطال ، اما هولاء الرعاع لايمثلون مصرتة

  30. أيوب

    إن مايحدث من قتل وسفك دماء يوميا في طرابلس وغيرها من المدن الليبية لشيء مؤسف يتحمل تبعاته ، من وجهة نظري، أربع أشخاص عبدالجليل والكيب والجويلي وعبدالعالي. هؤلاء تقع عليهم المسؤلية غير المباشرة في مايحدث نتيجة تقاعسهم عن تفعيل أهم وزارتين في الدولة الداخلية والدفاع.
    إن مايحدث من حوادث سطو وقتل مسلح ليس بخاف على الجميع حتى أصبح المواطن يحسب ألف حساب قبل أن يخرج من بيته ليلا.

  31. اغلب التعليقات تدعو للفتنة… رغم علمي انه ما حدت سببه الاول سوء تفاهم . رحم الله القتلى … وعلى وزارة الداخلية اخد و استلام زمام الامور, ولا يجب تسليم مطلوب الا لوزارة الداخلية و وزارة الداخلية لا تسلم المطلوب الا للقضاء. وعلى وزارة الداخلية اللا تعتمد في عملها على ثوار مصراتة او ثوار الزنتان . لانه اول من استشهد في ليبيا كان في بنغازي والبيضاء واكتر عدد استشهد. كانو من طرابلس واكتر مدينة قمعت كانت الزاوية… فليبيا للجميع ولا مزايدة من احد على احد.

  32. احمد

    هذي اخرتها يا ليبيين ! هذي اخرتها ! ان شاء الله الامور تتحسن

  33. صبرا ال طرابلس

  34. اوة بنغازي

    يا من يصف نقسة بليبي حر الواضح من اخلاقك اتك ليبي خر وامطحلب وكل اناء بما فية ينضح وانت اقوالك تدل علي مابيك من مرض شاذ ياخررررررررررررررررررررررررررر يامخروم

  35. وكأن من يعلق هو من طرابلس اهل طرابلس مشردين فىضواحيها واما طرابلس فيها محتلة من عبيد القدافى القتلة الدين اعطاهم الاموال والمزارع والمواقع التجارية المهمة واصبحت طرابلس رهينة عند هولاء المجرمين الدين دخلوا طرابلس فى السبعينات حفاة عراة والان هم السادة فى طرابلس فلن ترتاح ليبيا الا بطرد كل هولاء الاوغاد والدين جأوا من البادية وشوهوا وجه طرابلس الحضارى فيجب ان يعود هولاء لرعاة الماعز والابل هم وعائلاتهم فمن يتكلم عن غرغور مادخل سرت وورفلة بغرغور ومن اين لهم السكن فى اى جزء من طرابلس اصلا فيجب طردهم الى بلادهم كما جأوا وترجيع املاك الدولة منهم او تغير العاصمة ونقلها اى البيضاء الى ان يخرج عبيد المرد وم منها

  36. اتمني ان يخرج جميع توار مصراتة من جميع مناطق ليبيا هلهم مزال يبهم

  37. الاخوة في قورينا / يرجي مراعاة قوانين النشر ومراجعة تعليقات القراء قيل نشرها . العديد منها يعج بالالفاظ النابية و العبارات الخادشة للاداب العامة و المسيئة حتي للدين الاسلامي وفقكم الله .

  38. اميرة بنغازى

    الحمد لله نحن فى الشرق معندناش المشاكل هذه وذلك لطيب اصلنا وقدرتنا الكبيرة والهائلة على التسامح
    اما مايحدث فى الغرب فللاسف شىء يندى له الجبين
    اسئال الله ان يجمع كل المختلفين على قلب راجل واحد

  39. يجب محاكمتهم والقصاص من القتله واخراج كل ثوار من غير طرابلس الي مدنهم والله مصيبه اصبحوا متاعين بلطجه وفوضي بعض ثوار مصراته والزنتان

  40. اتركو العاصمه لاهلها وثوارها واى ثار من المدن الاخره يريد ان يخدم ليبيا عليه بحدودنا الصحرويه ليثبت حبه لبلده ويحميها من الهجره الغير شرعيه وهم بالمائات موش يقعدلى فى العاصمه وموقع حكومى واكل شارب واحيانا سكران ويقول انا احمى العاصمه

  41. الترسانة العسكرية والمناصب الوزارية المهمة عند بعض المدن وكأن المدن ألاخرى ليست ليبية كيف ماتبوهمش يركبو ا روسهم أذا كان أكبر ترسانة عسكرية هيا في مصراته والزنتان وأهم وزارتين الدفاع والداخلية ليهم مع أحتلرامي ليهم طبعا يعني سراته جدد طلعونا والله حرام الناس الي ماتوا .

  42. طرابلس من القذافي الي الثرار

    شنوا اديروا في طرابلس الي الان كل واحد يروح لحوشه انت و هو . الثوره كل الشعب قام بها ومكسبنا وهدفنا هو الدستور والقضاء المستقل وتدول السلطه والفصل بين السلطات وصحفه حره .هذا هو المهم وبعدين خلي واحد يسرق او يتهاون في عمله او ممتلكات الشعب . اما ما يقمون بها المسلحين الان فهو لعب اعيال . كما نرجوا من الحكومه واعلامه تسميات الاشياء بمسمياته .فلا نقول ثوار مصراته اوالزنتان او بنغازي وغيرهم , هؤلاء مليشيات ويجب ان نقول مليشيا بوكتف , مليشا الصلابي . مليشيا جحا , مليشيا ناكر . مليشيا …..

  43. كل يوم نسمعوا اشتباكات في مكان وين هيبة الدوله ووين عقلائها انا شايف ان البلاد متجهة وبقوة نحو هاويه لا مستقر لها وبعد الفرح والاستبشار بالثورة جي الوقت اللي ندفعوا فيه ثمن الفرح لاننا شعب مش متعلم ومش مكتوبله الفرح

  44. بهذه التصرفات اصبحنا نشتاق لايام ما قبل فبراير اتقو الله في ليبيا ودم كل من ضحى من اجل ليبيا

  45. يا أخوتى فى الوطن، الم تعرفوا بعد ان كل هذه الاحداث ورائها كلاب الطاغية المسعورة، والطابور الخامس النجس، والمتسلقين السفهاء، والمندسين، وحثالة اللجان الثورية. انتم تعرفون الحقيقة، ان ثوار مصراته الابطال الشرفاء الشجعان الذين قاتلوا قتال الاسود، وخسروا افضل وخيرة شبابهم فى هذه الحرب، الابطال الذين حرروا مدينتهم، وحرروا سبخة تاورغاء، وساعدوا شباب زليتين بتحريرها من دنس الانجاس، وانهوا مهزلة الطاغية فى وكره الابدى بسرت، وخلصونا من عفونته، هؤلاء الابطال الذين اتخدوا من التكبير صوتهم فى كل معاركهم، ومصراته كانت اول مدينة فى ليبيا استعملت رجال الدين كأداة من ادوات الحرب، لشحن الهمم والعزائم، وخصصوا سيارة اقتصر دورها على التكبير فى كل معركة، مثل هؤلاء لا يرتكبون هذه التجاوزات على الاطلاق، هؤلاء هم ما يعرفون بثوار 20/8 بعد سقوط طرابلس، وثوار 20/10 بعد القضاء على المقبور وسقوط سرت، لان الثائر الحقيقى لا يسكر ولا يقدم على الموبقات والتجاوزات، وثوار مصراته الحقيقيين انبل واشرف من ان يرتكبوا هذه الحماقات.
    ثوار مصراته ومثلهم ثوار الزنتان الذين رفضوا رشوة الطاغية والتى وصلت الى 300 الف دينار لكل اسرة ،وسيارة و5000 الاف دينار لكل من ينظم للكتائب او فى صفوف الحرس الشعبى والمتطوعين، ومزايا اخرى كثيرة ، رفضوها وقالوا للطاغية المقبور طز فيك وفى مالك الملوث ، من رفض هذا المال، وعرض مدينته وابنائه للموت والدمار، لا يقدم على هذه التصرفات والافعال .
    دعونا نرى الامور بعين الحقيقة، لو رفضت مصراته والزنتان المشاركة فى الثورة وانضمت لفلول المقبور فى قتل الشعب الليبي، اتدرون ماذا كان سيحل بنا كلنا، اقسم بالله لدخلنا كتاب التاريخ كأحد الشـــعوب المنقرضــــة (والشعب الذى كان يعيش فى ليبيا)، لقتلنا الطاغية كلنا، ونفذ وعيده دار دار بيت بيت زنقة زنقة، هؤءلا الاشاوس قالوها فى وجه المقبور لا والف لا،وغيرهم قبل هذا المال وكان شريك الطاغية فى قتل الليبين، ونحن نعرفهم مدينة مدينة، وقبيلة قبيلة، وشخص شخص.
    عقلى لا يصدق كل هذه الاشاعات، ولكن اصدق ان هناك اشباه ثوار ولصوص، وبقايا ايتام النظام وجرذانه، والمجرمين الذين اطلق المقبور سراحهم من السجون، وبقايا لجانه الثورية وبقايا مجرمى الاجهزة الامنية، هم من يرتكبون هذه الافعال، لاجل تشويه سمعة ابطالنا الشرفاء، وقد نجحوا وبدرجة كبيرة جداً ،بدليل ما نسمعه ونقرأه عن ثوار الزنتان ومصراته. لذلك يا أخوتى انتم اعقل من ان تدينوا وتتهموا ثوارنا بهذه الاتهامات، وهذا الذى يريده المقبور فى قبره، فتنة وكراهية بين الشعب والثوار، لقد فشل المقبور الطاغية لعنه الله فى استعادة هذه المدن وعرف ان نهايته اقتربت، ولكنه نجح فى بث السموم ونشر الاكاذيب لان اذنابهم لا زالوا بيننا ، ويقومون بتنفيذ بقية اجندة المقبور.
    اللهم يا رب بارك فى ليبيا، واحفظ شعبنا، ويا رب انتقم منهم وارجو ان يأتى صباح جديد ولا ارى فيها تلك الوجوه النكرة والقلوب السوداء من الطحالب واذناب ومتسلقى ومندسى وكتائب الطاغية المقبور اللهم أمين.

  46. إسراء

    أنا أريد أن أوجه طلب إلى ثوار مصراتة ..هيا مصراتة على العين و الرأس لكن أرجوا أن تغادروا العاصمة و هذا الطلب ليس لثوار مصراتة فقط بل أيضاً لثوار بنغازى وووو أرجوا أن ترجعوا إلى أهلكم و تتركون العاصمة طرابلس فى أيدى الطرابلسة أنفسهم هم من يحموا طرابلس …

    مع تحياتى لثوار لـــيبيــــا…

  47. ليبي حر وليبيا حرة

    هناك طحالب لديها سلاح وسيارات كتبت عليها عبارات مثل ثوار مصراته وثوار الزنتان وثوار نالوت وتسرق في سيارات الناس وتثير الفتن داخل ليبيا الحبيبة فلهذا فلنحذر جميعا من الاشاعات والكلام المغلوط وسوف تكون ليبيا احلى بلد بعد المردوم ان شاء الله

  48. محمد احمد

    ليبيا لكل الليبيين لا فرق , المهم ان يحترموا اعراف بعضهم بعض .الثوار الذين شاركوا في تحرير البلاد يجب عليهم ان يراعوا مصلحة البلاد اولا وان يفكروا في اطفالنا الذين قامت الثورة من اجلهم و ان يفكروا في شيوخنا المستضعفين و نسائنا الطيبات .كل مدن ليبيا شاركوا في الثورة بشكل متفاوت اعلاهم من قاتل وقدم روحه وادناهم من منع المردوم من خدماته.الا ان ليبيا طيبة بطيبة اهلها و من ارادها بسوء فسينقلب عليه

  49. لم نعد نرد ثوار ,ان كان الثوار كذالك ؟قتل وفوضى كل يوم وفى كل مكان !!!عجبا من من يتبجح بأنه ثائر وهو سبب تأخر بناء الدولة ,عجبا من من يتبجح بأنه يفهم ويعرف كل شئ عن الوطن وهو سارق وناهب ولا يفقه فى الامر شئ .انتهى الثورة انتصرت شكرا لكم والشعب الليبي لم يطلب مرتزفه كما فعل المقبور ,من يطلب الثمن يرينا تعاقده معنا نحن الشعب الليبي شكرا لكل الشرفاء ممن لا ينتظرون جزاءا ولا شكرا ممن احد فقد ادوا ماعليهم يوم نادى المنادى للجهاد .وما النصر الا من عند الله .جميعكم مصراته على زنتان ورجبان كلكم لا تريدكم العاصمه الا كما كنتم ابناء بررة مسالمين الكل يبنى لا يهدم .فقدنا النوم الهانئ صغارنا اصيبوا بالامراض النفسية ضيوفنا اصيبوا بالفزع لا احد يريد الحضور للعمل الينا لانعدام الامن .هل تريدون ان تصبح طرابلس مقاديشو اخرى ,

  50. jimpond

    لياأخوتنا الثوار من مصراته والزنتان يفترض اخلاا كافة المواقع التى تم تحريرها من ازلالام الطاغية وتسليمها للجهة التى كانت تتبعها سابقا والخروج لمناطقكم لانه بلغ السيل الزبى يجب ترك العاصمة وعليكم الانظمام للجيش او الامن وريحوا البلاد نجحت الثورة وبارك الله فيكم كفيتو وفيتو

  51. jimpond

    لى كل الذين يصطادون في المياه العكره ويحاولون بث الفتنة بين ثوار مصراته الاحرار واهل طرابلس الشجعان نقول .. نحن جميعا قمنا بالثورة ضد الطغاة والمجرمين والمنافقين والقبلين و المنتفعين ولن يفرقنا اخطاء برتكبها هذا او ذاك .. سوف تستمر روح الثورة داخل قلوبنا حتى نجعل ليبيا بلدا متقدم يعيش فيه الليبي رافع الراس بعيدا عن العقول الصغيرة التى تحاول ليل نهار تقسيم ارض ليبيا الى مناطق وقبايل ومدن .. بعيدا عن العقول الصغيرة التى استطاع المقبور السيطرة عليها ودفعها الى تدمير ليبيا بسم الشعارات الزائفة …. فلا تستمعوا الى اى بوق يحاول باسا التفريق بين الثوار وستبقى ليبيا فوق الجميع ولان يستطيع احد الدخول بين مصراتة وطرابلس مهما حصل وهدة الاخطاء لن تؤتر …

  52. ورفلي أبا عن جد

    رد علي المصراتي ان كل الليبيين احرار وانتم تعتقدوا انكم حررتم ليبيا ونسيتم ان مصراتة حررها ثوار المنطقة الشرقية وانتم قابعين في منازلكم وياسر من التفحيج قال النبي الكريم ادا دعتك قدرتك علي ظلم الناس فتدكر قدرة الله عليك .فالله اقوي من الجميع فكما انتهي المقبور نتيجة ظلمه لليبيين هكدا ستنتهي مصراته نتيجة ظلمها العبادوقل تعالي لا تقتلوا النفس التي حرم الله الا بالحق صدق الله العظيم وتدكروا ان دعوة المظلوم ليس بينها وبين الله حاجز.

  53. مصراته العزه والفخر اريد تقبيل ترابك الطاهر

  54. توا ثوار مصراتة مش عاجبينكم ماكم كنتو ترقصو في بار العزيزية لما مصراتة تقصف بالجراد و يذبح ابناءها وين كنتو ليش ما طلعتوش حليتو فماكم على القذافي زي ما تحلو فيها توا .
    ولا توا بعد ما مات بديتو تورو في فلاحتكم من وراء شاشات الكمبيوتر ؟ مصراتة اسود و ساهمو في توحيد ليبيا و منعو تقسيمها .
    واللي مسمي روحه ليبي حر و يسب في مصراتة و مش عارف شن يقول نقوله كلمة وحدة اهم تريس مصراتة قدامك برا قولهم الكلام اللي كنت تقول فيه في وجوههم تبي ؟؟؟؟؟؟؟ بعدين .

  55. مكمل

    أنا ما عاد نصدق حد . مش أعلن المجلس العسكري مصراته من أسبوعين بسحب جميع كتائبه من طرابلس و العودة لمصراته وصفقنالهم وعطيناهم سالوتي ؟؟؟؟؟؟؟؟؟؟ أمال هاديم منين طلعوا و إلا بس في الإعلام و بعدين يديروا ما يبوا . بالله ساد من الضحك علي لحايا التريس كل شئ واضح . قال يا قلب أيش يبريك من الأوجاع قال عيطة في خلا فزاعي واااااااااااااااااااااااااااااااااااااااااااااااااااااااااااااااااااااااااااااك

  56. وائل وائل

    شيني روح الناس ولات عاديه اللي يموت يموت ولا شيني وقويه تعليق ليلى تو يتسامحوا يعني اللي يموت عادي معانداش ناس ولا اهل ولا ام تبكي عليه

  57. بع…..بع……بع…… المصاريت هم ابطال ليبيا …. فهم الذين حرروا جميع اركان ليبيا … هم من حرر شارع طرابلس و بنغازي و حرروا بن وليد و حرروا احياء سرت و حرروا زليتن و حرروا تاورغاء و حرروا سبها و جميع مدن وقري الجنوب ……. وشن داروا اخري …… صحيح … حرروا طرابلس و سرقوها و سرقوا سرت و سرقوا تاورغاء و اللي قا هرهم انهم ما سرقوش من المناطق الشرقية ولكن مردوده انشالله اذا ولعوها حرب اهليه يمكن يقدروا ياخذوا حاجة منهم لكن يا ودي هذي واعره لأنهم هم اللي ودوا امعمر في داهيه ………..بس ما تنسوش ان الليبيين كلهم كبير و صغير يحبوا مصراته و ابطالها ….ليش ؟؟؟؟؟؟؟ | لأنهم حرروا جميع مدن ليبيا ………اذا لم تستحي فافعل و قول واسرق ما شئت

  58. اطلعو من طرابلس يا همج يا همج امشو الي مدينتكم بارو اطعو من يا همج

  59. كلهم سكرين الثوار مصراتة وزنتان ……بعد ساعة 12 في ليل ارجو من الجيش انقادة طرابلس من همج الهمج

  60. السلام عليكم ورحمة الله وبركاته

    كل هذه المشاكل ستنتهي عندما يسلم الثوار كل المواقع لأصحابها ولايجب أن يقول الثوار أنها كانت تتبع النظام السابق أو أزلامه وأنهم لن يتخلوا عنها. لقد تم بالفعل تغيير النظام. وما على الثوار إلا تسليم كل المواقع عندما تأتيهم رسائل بالتسليم سواء من وزارة الدفاع أو الداخلية …

    وعاشت ليبيا حرة بإذن الله

  61. ثورة طرابس جاية علي مصراتة و زنتان وقد اعذار من اندار……..ثورة طرابلس جاية وتوا تشوف …………..ياثورة (…….) بجد صبر اهل طرابلس نفد ……..قالك زنتان ومصراتة……اغلبهم مش علي عقلهم بعد ساعة 12 في ليل,………..بجد صبر طرابلس نفد

  62. هذا ما جنته المنطقة الغربية بعد مناصرتهم للقذافى سنين طوال، فقدموا له كل الدعم ووقفوا معه أيام طغيانه ومعظم رجالات الدولة وكتائب القذافى من المنطقة الغربية. والآن هم سبب المشاكل وسبب تعطيل البلاد وتكوين الدولة في أسرع وقت ممكن، وعليهم أن يدركوا أن الجزاء من جنس العمل وان التاريخ يسجل، ونحن متأكدين أنهم لن يرتاحوا مادام تنقصهم الوطنية وحبهم لبعضهم، بالله عليكم أعطونا أي مؤشر أو أي نية صادقة تجاه وطنكم وإلاّ سنضطر وانتم السبب إلى إعلان دولة منفصلة عن الغرب لأننا لا نريد المزيد من إراقة الدماء فدم الليبي إذا كان عندكم رخيص إلى هذه الدرجة فنحن لسنا كذلك.

  63. خلا يا عظمي حال عجيب @ كساك العيب بعد صقر يدنوك الكيب
    خلا يا عظمي هيه خلاص @ انهد الساس اللي بانيه شيديد الباس
    اغيبتي بين نصيب انجاس @ وحر لهيب امقدر و الشي مكاتيب
    اللي توجع يسقولك كاس @ بلا ترويب مخضها بوشنة والصليب
    خلا يا عظمى جاك الهم @بديتي غم حياة قبلي يكثح عالجم
    ابلينا بيثيران اغشم @بلا ترتيب اللي هذا شاقي بطليب
    اليوم انبعتي بيع غنم @ افسوق عطيب البايع ذيب الشاري ذيب
    خلا ياعظمى كنتي فوق@ امزان ابروق ابديتي ما تسوي عالوق
    بعد دالك كمن هيدوق @ عناك ايجيب زها ماقبلناش قريب
    اغبرتي و الطابق مفلوق @ حياة تغصيب اللي ناقصها سيد سبيبِ اااا

  64. نشهد بالله انهم تريس اولاد مصراتة والزنتان وجبل نفوسة والزواية وزارة اما الطربلسية الشلافطية الى يداعكو على مطاعم الا تراك يبوو غير الجلد قال العوو من طربلس تو يا طربلسى لو جيت ا ى مدينة وقعدت فيها فى حد يطردك منها تحشموو على وجوهكم يا قودات القذافى مع احترامى لى شرفاها واحرارها الى كانوو معنا فى ثورتنا طربلس مسرات مليونية قال طربلس قال بالله عدووو للمطاعم التركية وشوففوو العار من الطربلسيات مع الا تراك تبوو غيررر دولة ليبيا الاسلامية وشعارها الجديد شرع الله عز وجل هوو الفيصل

  65. sand man

    ان ما يحدث اليوم فى طرابلس وخاصة من مصراتة انما هو دليل على جهلهم ومدى تخلفهم وقد نسوا تماما ان من حررهم من حفرتهم هم ثوار كل من بنغازى وطرابلس وزليتن ومسلاتة واقسم بالله العظيم ان لو المساعدات التى قدمت اليهم لماتوا

  66. والله صدقت يا مفتاح ولو انك اجمعت كل الغرابة والتعميم غير منصف ولكن خليني اكون واقعي وانقول كما قالوا من قبل ما يجي من الغرب ما ايفرح قلب و مع العلم بأنني غرباوي ونأكل في البوزويه. والغرابه قبل ما ايفكرو في الدولة وقيامها يجب ان يصالحو فيما بينهم قبل. والله ما يحدث في بعض المدن الغربية شيئ يقطع الوجه. واخيرا ما اتفكروش في ثورة جديدة على الغرنبش

  67. ثائر قديم

    البلاد راحت فيها وكان تقسمت يتعبوا ناس ويرتاحوا ناس يستر الله والمقبور خلاها وراه نار حمرا جمر كيف ما قال
    ويا ثوار كيف طلبتوا من الله النصر ونصركم اطلبوا الله يهدئ النفوس ويحقن الدماء و يرد المياه الى مجاريها

  68. ياطحالب ياطحالب ولعوا النار ياطحالب ياشرفاء ليبيا لا تلتفتوا للفتنة

التعليقات مغلقة

شارك برأيك

* كيف ترى خدمات الانترنت التي تقدمها شركة ليبيا للاتصالات LTT؟
 

شارك برأيك

  صحيفة قورينا © جميع الحقوق محفوظة