صحيفة قورينا الجديدة

ثوّار مصراتة يدخلون مدينة سرت من الجهة الغربية والجنوبية

قال مراسل قناة الجزيرة إن ثوار مدينة مصراتة دخلوا مدينة سرت مسقط رأس القذافي وآخر معاقله من ناحية الجنوب والغرب المدينة.

وكان ثوّار مدينة مصراتة قد حاصروا مدينة سرت، التي تبعد عن العاصمة طرابلس 400 كيلومتر من ناحية الغرب، والتي تختبئ فيها بعض كتائب القذافي التي فرت من مدن رأس لانوف وبن جواد والوادي الأحمر.

قورينا

 

113 تعليقات على “ثوّار مصراتة يدخلون مدينة سرت من الجهة الغربية والجنوبية”

  1. faiha

    الله اكبر الله اكبر الله اكبر ولله الحمد

  2. وسيم الخويلدي

    الله اكبر الله اكبر ولله الحمد الهم احفظ التوار وتبت اقدامهم على الحق

  3. نصركم الله يا أبطال الوطن والخزي والعار من سار على درب الخائن معمر الجبان

    • أحمد المصراتي

      سوف يظهر أحمد باني بعد قليل ويقول ان ثوار ترهونة أو ورفلة أو كذا هم من حررو سرت وسوف تنقل قناة ليبيا الأشرار هذا وتكتبه أسفل الشاشة لماذا تنكرون الحقائق نحن لانريد الا أن تقولو الحقيقة يا باني وليس كما قلة عن كتيبة الأفياء

      • نبي نقول ياجرذان مصراته وطبرق انتم الاتنين اكبر عملاء لسيف الاسلام وكان فيه اتفاق اتسلموا طبرق ومصراته لسيف وتقعدو مؤيدين لمعمر كيف مادارت الزواية لكن قدام الاعلام قاعدين بوجه اخر ديراين روحكم تحاربو فيه وتوا اكثر اصحاب سيف الاسلام من المدينتين هذينا وتقولو انكم توار ياتيران والله بنغازي اللي نص قنوات القذافي فيها لقاقة معمر من بنغازي من امتال شاكير وغيره وكل شئ بالادلة وحتطلع فضايح مدن اخرى واجد

        • امحمد الهادي المصراتي

          لن نعودللقيود قد تحررنا وحررنا الوطن ليبيا ليبيا ليبيا
          الله اكبر الله اكبر الله اكبر ولله الحمد
          ليبيا حرة غصبا علي القذافي وسيف وباقي العصابة

          يا فالح ثواااااار مصراتة وطبرق جاينك جاينك

          زي ما حررو كازينوو العزيزية والبيت الصامت وحررو سرت وبني وليد قريب ان شاء الله يجيبو راس سيف وحي معاها

          وتو نشوفوك بعتالي كيف رافع علم الاستقلال ورجلك فوق راسك

          وبعتالي قول منو فينا الجرذ اللي هارب وخايف ندورو فيه

          ولا اللي طالع يقتل ف الميدان ؟

        • انا عندي فضائح كبيرة لكل التوار الليبين في كل الجبهات لانكم مش ملائكة وحتى الجنون حرام فيكم اللي مايسكت توا نبدي في النشر وبدون رحمة حتى التوار اللي اخدو الصدارة عالفاضي عندي عليهم كلام هلبة بس مانيش فتنة لكن لو حرقتو دمي نبدى في الجو اللي تبوه وساعاتها هيا يامعمر الوقت الاضافي الذي يمكنك ان تربح فيه

  4. سالم

    الله أكبر

  5. ليبي حر

    وين الثوار الى من الناحية الشرقية شكلهم امقيلين بعد طاسة الشاهى

    • zak

      من الخطا قول ثوار مصراته من دخلو لان من الاكييد وجود ثوار من جميع المناطق فى الخطوط الاماميه , و من الخطا تسفيه دماهم و زرع الفتنه

    • مصراتية

      ههههههههه خليهم يتريحوا عاد هما مساااااااااكين يتعبوا في روحهم واجد

      • عندي معلوة مهمه اللي يقول انه مصراته تشري في السلاح من الشرق انقول اصابع ايديك مش كيف بعضهن ثانيا مش كل اللي هجموا على المعسكرات هم ثوار في ناس مع معمر زقبو على معسكر والدليل انه نحنا مجموعة بنات من الشرق شرينا مجموعة باكوات سلاح والباكو كان ب7 دينار فيه 24 طلقة من شخص مؤيد للقذافي ويبي يكسب وكانوا في عسكري دز سلاح لمصراته عن طريق سفينة ودزينا السلاح معاه هذاالكلام اللي قلته مش بطولة لكن عشان اتفكونا من الفتنة وديروا بالكم انه في ناس ثانية تقرا في كلامكم اتحدوا احسن كل شئ موجود عندي بالادلة وعاشت مصراته وليبيا لانه مصراته مهمه لانها وحدت ليبياوكذلك الزواية الي قاومت بدون الناتو

    • عجبتني يلي تقول وين ثوار الشرق وانت وين والله من توار الفيس بوك وبعدين عدي شوف تقرير قناة بي بي سي قال انه الثوار اللي من الشرق التحموا مع (خوتهم) اللي في مصراته من الجنوب لدخول سرت لانه فيها ناس مادارت فينا خير

    • نص ليبيا حررها هل الشرق (سلميا )بدون قتل ياريت تقولي بالله تحساب روحك من الثوار عارفين كويس ثوار مصراته وليبيا كلها يا ليبي حر!!!!!!!!!!!!! على عندي معلومات انه الجيش اللي في الشرق عنده قو ة مدججة توصله لتونس لكن السبب في القادة الملتزمين اللي مايبوش كثرة قتل

  6. ليبي عاشق الحرية والمجلس الانتقالي

    اللهم بارك لنا في ثوار مصراتة الشجعان … انا من طرابلس وكم تمنيت ان اكون مصراتيآ .

  7. الله أكبر كبير والحمد لله كثير وسبحان الله بكرة وأصيلا * الله أكبر كبير والحمد لله كثير وسبحان الله بكرة وأصيلا *الله أكبر كبير والحمد لله كثير وسبحان الله بكرة وأصيلا * الحمد لله على نعمه التي أنعمها علينا

  8. الله أكبر كبير والحمد لله كثير وسبحان الله بكرة وأصيلا

  9. ابرهيم الشويب

    الاخ احمد المصراتى لاداعى للاصطياد فى الماء العكر !!كل ثوار ليبيا من اجل التحرير مثل ما ساهم الكثير من ثوار درنه وطبرق فى تحرير اخوتهم فى مصراته ها هم اشاوس مصراته يساهمون مع اخوتهم فى سرت لتحريرها وليس ببعيد استشهاد البطل على العبيدى فى ساحات الوغى مع اشاوس مصراته وهذه هى روح الثوار الابطال

    • مصراتي وأفتخر

      لا إصطياد ولا شيء بس ليش الشرق بجميع قادته ينكر في الانجازات الكبيرة التي ينجزها ثوار مصراتة في كل مكان وزمان
      وأني انقولك ان ثوار مصراتة هما بس اللي ماشيين لسرت لا فيه علي العبيدي ولا أحد أخر هذا هو الحق والجقيقة

      • انا نحب مصراته واجد ونا من الشرق لانها حافطت على وحدة ليبيا وفيها ناس ابطال بس انا نشك انك من مصراته لانك شكلك فتان وعارفة ان مصراته ماخذتش حقها وانا اول من ندعمها وربي يهديك

      • فكني من الجو امتاعك تعال شوف عندنا شن انقولوا على هل مصراته بالعكس نخنا حتي اول مرة نحبوا هل الغرب بالشكل هذا وخاصة مصراته ومش حننسى اليوم اللي طلعت فيه مصراته والزواية والزنتان ويقولو بالروح بالدم نفديك يابنغازي ولعند الان مازالت نذكر اول فيديو جا من مصراته لانها وقفت معانا وايش مانديروا مش حنوفوها حقها وطبيعي مصراته في الصدارة لان كل عائلة في مصراته تأذت من معمر بس ياريت انتقادك يكون للناس اللي باعو مصراته وكانوا جواسيس لمعمر تحيا مصراته وليبيا كلها وتعرف ان ليبيا واحدة

  10. الله أكبر ولله الحمد والمنّة, يا كل ليبي حر, أنا أحد ثوار مصراتة أستبشر بهذه الأخبار, والله إن النصر من الله عز وجل, ونؤكد أن لا رجوع عن الإطاحة براس هذا الطاغية وأزلامه, الله أكبر الله أكبر الله أكبر ولله الحمد…

  11. ابرهيم الشويب

    المدعو ليبى حر..لاتفسدو علينا فرحتنا ثوار المنطقه الشرقيه الذين وصفتهم المقيلين بعد طاسة الشاى هم من حرر نصف ليبيا الشرقى بالكامل من امساعد حتى الوادى الحمر على مشارف سرت ويكفيهم شرف انهم ساهمو مع اخوتهم فى مصراته حيث استشهد منهم الكثير

    • مصراتي وأفتخر

      اين مساهمة تحكي عليها يا ابراهيم الشويب مصراتة تحررت بفضل شبابها وتضحياتها
      ونحكيلك علي شيء صار امامي في مصراتة مرة في توار جايين من بنغازي لمصراتة يبوا يساهموا معاهم في التحرير في بداية الأمر لكن أول ماشافوا الدبابات في وسط شارع طرابلس فروا بجلودهم وقالوا (( لنقنا دبابة يا )) ومع السلامة

      • لو سمحت ماتشهوش صورة مصراته عندنا لكن نبي نقول ياخسارة في ناس رفعت بروسهم مصراته وهما طياح عالنت ومدينتهم كانت تدك نبي نقول انا شفت ناس واجد يقولو انه مصراته فيها قوات خاصة وانا هاجمت الناس هذوما وقلت بعد مانتصرت مصراته تمو يقولو من ساعدوهم قوات خاصة وقلت ان هما ابطال ونا مش من مصراته ولا عمر ي شفتها ولا نعرف حد منها لكن طبعا انا انحبها لانها تقع في ليبيا وخلي الهجوم علينا من مؤيدين معمر احسن لانه هذا مش في صالحك ولا في صالحنا ومن الاخير قتنة ولعند الان سمعت هل مصراته والزواية وليبيا كلها زي العسل وخلي اللي يمدح مصراته من بره خير لانه شكار روحه كبار مصايب

  12. يا ناس بلاش جهوية قبلية بغيضه. ولكم في ثوار الجبل عربهم وازيغهم عبره. قاتلوا مع بعض وعانوا مع بعض وانتصروا مع بعض. لم يقل احد انا كان لي الفضل او انا احسن بل اخوه ولا يزايد حد على الاخر.

  13. فرج المجدوب

    ثوار الشرق العظيم حرروا نصف ليبيا في أيام وساهموا ولله الفضل والمنة في تحرير النصف الآخر ولا فخر

  14. محمد

    والله العظيم انكم تريس ياثوار مصراته ربي ينصر ثوارنا في كل مكان ويحفظ البلاد والعباد

  15. ابو احمد/الخمس

    هنيئا لك يا مصراته بهؤلاء الاسود الابطال الشرفاء..لقد دخلتم التاريخ من اوسع ابوابه وبلا منازع…هأ نتم تضيفون انتصارا جديدا …وهأنتم تحررون المدينه تلو الاخري….لقد حررتم معقل الاسود مصراته اولا…وقهرتم الطاغية بجيشه الجرار…تم لقنتموه درسا في مدينة زليتن ونلتم بذلك اعلي مراتب الشرف والبطولة…ثم تلتها مدينة الخمس والتي حررتموها في ساعات …وبعدها خضتم معركة الشرف في العاصمة طرابلس..حيث تهاوت الاصنام ورفع علم العزة والكرامة عاليا خفّاقا علي ايديكم في فوق معقل الطاغية في باب العزيزية …واليوم تتجهون شرقا وتضيفون انتصارا جديدا …وتدخلون مدينة سرت مسقط راس الطاغية لتطوي بذلك صفحة سوداء والي غير عودة عاشتها هذه المدينة تحت الحصار والقهر …
    الله اكبر…الله اكبر…الله اكبر…ولله الحمد….المجد والخلود لكم يا ابطال مصراته …عاشت مصراته التي انجبت هؤلاء الابطال شامخة ابية…

    • الله يجازيك خير في قولك الحق والله العظيم من الخزي الشديد والحقيقة المؤلمة أن إخواننا في مصراتة إشتروا السلاح بمالهم الخاص من بنغازي … أقول بمالهم الخاص ولكن الحمد لله الذي شرفنا بالجهاد في سبيل ليبيا و لا نبغي إلا وجه الله في ذلك …. بارك الله فيك

  16. فارس

    تحية طيبة الي كل الثوار وأخص بالذكر ثوار مصراتة الصمود كما علمتنا علي مر التاريخ بجهادها ،نحن فخورين بهذه المدينة المجاهدة ورجالها البواسل الفرسان وكما قال الدكتور محمود عبدالعزيز ستتغني نساًًنا ببطولات مصراتة علي مر التاريخ ،فلنقف بكل آجلال لهذه التضحيات من آجل رفع هامت الوطن من آجل كسر قيود الآستعباد أربعون سنة من الجهل والتجهيل ،فبارك الله فيكم شكرا ثوار مصراتة وشكرا ثوار الزنتان وكل ثوار ليبيا عاشت ليبيا حره .

  17. الله اكبر الله اكبر الله اكبر ولله الحمد ربي يحفظكم يا أســــــــــود مـــــــــــصـراتـــــــــه الــــــصـــــــمـــــــــــــــواد

  18. سليمان بن ابراهيم

    وما النصر الا من عند اللة والحمد لله شكرا مجهادينا شكرا شهادنا شكرا مصراته يرمز الفذا والشجاعة الله اكبر ولله الحمد

  19. مصراته اصبحوا ابطال ههههههه ودخلوا التاريخ من اوسع ابوابه عن اى بطوله يتحدت هؤلاء عن سرقه السلاح الليبي ونقله الى مصراته لتصبح ترسانه عسكريه كما فعلوا فى طرابلس عن اى بطوله يتحدت هؤلاء عن الناتو الذي يقصف من فوق ويمسح الطريق لهم لكي يصبحوا ابطالا ..عجبا لمن اراد للماء ان ينساب صعدا ..مصراته ابطال ؟؟؟

    • ابو الفضل احمد

      لو ماقلته صحيح – شوف الشهداء والجرحى وحالات البتر – النيتو شكرا له لاكن اللي قدماته مصراتة ما يقدر عليه حد – حتى السلاح يقعد عندهم خير من يقعد عند غيرهم لانه ممكن ما يقدروش يستفيدوا منه وياخده القدافي منهم

  20. الله اكبر…الله اكبر…الله اكبر ياليبيين.

  21. الله اكبر ولله الحمد … بطل سحر القردافي وعبيده

  22. ليبي حر لنت الي وصفت ثوار امشرق امقيلين عيب عليك انت والسيد احمد المصراتي ليبيا وحدة وشعب واحد اتحشمو بلا فتنة

  23. الي يحكي على ثوار الشرق يتحشم علي وجه مصراتة الي تحكو عليها لم تحرر بنفسها هل يستطيع اهل مصراتة انكار دور الشرق بمدهم بسلاح وبثوار من الصاعقة التي كانت على وشك السقوط في ايدي الكتائب……تي ساد بس الكتيبة المجاهدة السودة من درنة انتو يا مصراتة تغطرستو على حساب الشرق وانكرتو اي دور له في تحرير مدينتكم

    • اخي صحيح لا احد ينكر دور الشرق ولكن كان على الشرق التحرك بقوة اكثر فلديهم العدة والعتاد اما عن مد مد مصراته بالسلاح فأغلب السلاح الذي اتى إلى مصراته من الشرق كانت غن طريق الشراء بالمال لأن اخوتنا سامحهم الله ارغمونا على الشراء واقسم بالله على ذلك وانا نفسي ذهبت وشاهدت واشتريت ، وليبيا وحدة واحدة لاشرق ولا غرب

    • مصراتية

      معليش معليش معليش .. كيف تدوي علي مصراتة هكي انتي . تي انتي يكون في علمك السلاح الي كنا ناخدوا فيهم منكم توالله العضيم الاغلبية منا كلا بجهد التبرعات من الاهالي ورجال الاعمال كلا بفلوسنا . وتاني حاجة كلا الشررااااااقة ولا توالله مادرتوا حاجة في مصراتة من الاخيــــــــــــــــــــــــــــــــــــــــــر

  24. عشرات السيارات المحترقة والجثث المتناثره ….حصيلة ما تركه عملاء مصراته خلفهم قبل فرارهم امام ضربات الشعب المسلح أتناء محاولتهم التقدم بأتجاه حدود مدينة سرت علي بعد مايقرب 130كم غرب سرت …..الله اكبر الله اكبر
    الله يحميك سرت الصمود قلب ليبيا الطاهر يابادية الشرف ————–لا العملاء خنث مصراتة
    السراق ومن رفع علم اليهود في حي المقاوبة مصراتة
    والله لن ترفع لكم راية

    • وين الجثث يازعيم وسرت الصمود مع القرذافي الغبي تقاتلو مع واحد جبان مش معروف مكانه وين اصلاً ، بعدين السرقة في السلاح ماهيش سرقة لأن السلاح ماشي للجبهة في سرتكم وبني وليد يلي السكان الأصليين فيهن قريب يتفجرو من اشكالكم ياسيد بعدين وينه الشعب المسلح امتعكم اكثر من نصه في فندق جنات بمصراته يلي جو بينتهكو اعراض المصراتيات ، وعن علم اليهود في المقاوبة والله حطه واحد من كلاب الحرس الثوري اتباع الكلب الكبير واثهمو بيه شاب من مصراته يلي استشهد في الميدان في زليتن

    • ما زلت تدوي وانت جزائرى وتشمت في الثوار توة نشوفوا لمن النصر ومن يضحك في الاخير يا عبالله الضراب مش هذا اسمك يا فتان يا تابع والحر حر والتابع طول عمره تابع وحسبنا الله ونعم الوكيل

  25. مصراتي وأفتخر

    زوزو مرجاوي حقد علي مصراتة وتوارها لا فتنة ولا شيء الحقيقة ان مصراتة هي التي حررت أغلب مدن ليبيا الحبيبة
    ولولا توار مصراتة لكان أهل الشرق الليبي قاعدين في البريقة إلي اليوم

  26. تائر سوق الجمعة

    الله واكبر عليك يامصراتة احلى حاجة في حياتي عشت امعاكم احلى ايام الحرية وسوق الجمة ومصراتة عيلة وحدة في عيلتنا ليبيا

  27. يا مصراتة يا أم هؤلاء الثوار الا شاوس الابطال الذين قاومو الظلم سبعة اشهر من ازلام الطاغية .
    واليوم يشاركون في تحرير طرابلس وبعدها سرت .والله انتو ابطال يا اسود مصراتة الله اكبر الله اكبر والحمد لله
    ونت يا ليبي حر خيرك علي ثوار الشرق و نبي انقول لك راهو الثورة بدأت من الشرق ومصراتة اول ما ناضت ناضت من اجل ما يتعرض له شباب بنغازي الابطال واقدم لهم الف تحية علي ما قدموه للثورة وهي في اضعف حالة كانو يطالبون بمطالب العدالة والحرية فهب معهم ثوار الغرب والوسط واصبحت ثورة ليبية واحدة ولنؤكد علي وحدتنا الوطنية
    فلذالك نحن لا نقبل مثل هذ الكلام علي ثوار برقة الاحرار و لا نستطيع ان نزايد عليهم ابدا
    ولعل سبب تأخرهم هو خطة معينة لصالح تحرير سرت بالكامل،
    و عاشت ليبيا حره )اوباري المتحرر(

  28. طرابلسي حر

    اللهم ثبت الاقدام وسدد السهام وكن مع اسودنا ولا تكن عليهم
    الللهم حقق النصر المؤزر واجعل كيدهم في نحرهم
    اللهم انهم يكبرونك فكبر شأنهم وادحر عدوهم
    وحقق لهم مبتاغهم احدى الحسنين
    اما النصر او الشهادة

  29. ابناء مصراتة يمتون والجرحة في تونس يعنون وانتم تكتبون لا مصراتة كتبة بالدماء انا مصراتي مصاب لكن في كل يوم يزيد فخري با اخوني

  30. الله والنبى ياثوار مصراته فكونا من السرقه والنهب ولا تفعلوا بسرت كما فعلتم بزليتن وطرابلس فقد نهبتم الاخضر واليابس …. حتى سمافروات الضى فى طرابلس رفعتوهن لمصراته ماهكذا الثوار يامصراتيه

  31. الى كل من يتكلم عن ثوار الشرق فالشرق هو قلب ليبيا النابض فلولا الشرق ودعمه لكل مناطق الغرب بالسلاح والرجال والمؤن ماتحررت مصراته والا نسيتوا اقول انه لاجميل لنا فمصراته اهلنا وايوائهم واجب وليس مننه ولكن لاتنكروا فظل الاخرين فمن لايشكر الاخرين لايشكر الله

    • خالد

      قصدك بعتولهم السلاح

    • مصراتي وأفتخر

      يا ليبي قديم جداااااااااا
      نظف فمك بالمعجون والزهر والعطر قبل ماتتكلم علي مصراتة
      وأين جميل تتكلم عليه مصراتة شرت السلاح والذخائر من بنغازي بالفلووووووووس بعد ما باعت امهات واخوات التوار الذهب والفضة من أجل شراء السلاح من ( شرارة الثورة ) كما تقولون .
      واللي يشكك في كلامي يسأل أي واحد مصراتي في الجبهات وتوا إيقولا الموضوع بالتمام والكمال

  32. حق حق

    تي غير يولد ويسموه راهو كدب مافيش منه الكلام هضا عيالنا ماتوا عشان ساركوزي وكاميرون وأنتم مصدقين كدب قناة برشلونة اللي ماعمرها قالت الصدق

    • والله يا حق حق كنت نحترم فيك لكن الباين انك واحد لئيم ومش راجل .

    • لق لق ريح روحك واضح من انت تابع من اتباع المدمر لان نفس المنطق كل ما الثوار يحرروا منطقة تقولوا كذبة مفيش شئ والمشكلة عندكم كل العالم كذاب الا انتم الصادقين الوحيدين ولكن اسفي وعتبي علي اللي كانوا بالامس جنبا الي جنب والان تمشي فيهم سرينقات اتباع المدمر لا للفتنة لا للفتنة هذا هوالشعار كلنا يدا بيد مع ثوار الجبهات وليس مع فتانيين النت والمكيف اللي محسوبين علي التريس

  33. طرابلسي حر

    احذرو الطحالب فانهم موجودن بكثرة هنا

  34. المصراتي

    لاتنسو أن مصراتة لا ينقصها المال لا تنسو أن مصراتة ضحت من أجل ليبيا وليس من أجل المال أو السلطة

  35. ليبي وبس

    والله عيب عليكم اللي تقولوا فيه ليبيا وحدة لا مصراته ولا درنه ولا اللزنتان كلنا خوت وماتخلو حد يخش بيننا ويفرقنا ونخسروا قوتنا ضد الطاغي و اعوانه والله مانا صغار باش نقولوا هالكلام واتقو الله في شهداء ليبيا من الشرق والغرب والجنوب

  36. ابواسلام

    ( إن تنصرو الله ينصركم ويثبت اقدامكم )

  37. با ليبي حر تحشم على وجهك وخلي عندك شوية دم … مش بعيد انت واحد من عبيد القردافي وجاي تبي تفتن يا شلافطي

  38. والله مصراته تاغرنة ولا طبرق ولا زويلة كلهم ليبين

  39. الزاوي

    ياجماعة وحدو الله حرور عقولكم شن الفرق بين مصراتة وبنغازي وطرابلس والجبل كلنا ليبيا والثورة ثورة ليبيا كلها لا فضل لمدينة على مدينة وتحيا ليبيا حرة و الله اكبر وربي يرحم شهدانا .. وخلونا نبنو ليبيا من غير عنصرية ..وفكرو فى مستقبل ابناكم والله المستعان

  40. ليبي وبس

    الى اخوتي جميعا الثائر الحقيقي لايفخر بما فعل ان كان لوجه الله وجهادا في سبيله ، مصراتة قدمت تضحيات كبيرة ورجالها كانوا في الموعد ساندها اخوتنا من جميع المدن الشرقية واخوتنا في مصراتة مع ثوار طرابلس والجبل والزاوية حرروا طرابلس ، احمد باني وغيره لم ينكر مصراته واثني كثيرا على مصراتة ورجالها ، وخلونا نفرحوا بالنصر وننسوا ايام بوشفشوفة وانتم من زبيبة تسكروا وعصبية الجاهلية راكبتكم .

  41. ليبي وبس

    رد على حق حق ، والله انت مافاهم حاجة

  42. وتحققت أماني ساركوزي وكاميرون وأوباما وغيرهم… شرق وغرب.. مصراتة بنغازي .. طبرق ترهونه.. ياخسارة يالشعب الليبي

  43. Hamza

    أكثرو من التكبير والتهليل والدعوات ،،، فالثوار محتاجين لدعواتنا لنصرت ليبيا لا إلي تعليقاتنا !

  44. يامصراتى حر اتق الله انا مصراتى عايش فى بنغازى ليبيا واحده ماهو المصراتى ليبى والشرقاوى ليبى ارجع لعقلك ولا احد ينسى مافعلت مصراته لتحرير نفسها وجاراتها وبنغازى لولاها لما كنت تتحدث الان بااسم الحريه ولما تحررت مصراته لولا بنغازى لمت من الجوع ونفاد الذخيره ومن غير جميل ولكنى وضعت النقاط على الحروف

  45. الله اكبر الله اكبر الله ينصركم يامصراته وينصر كل ليبي حر ينطق بكلمة لااله الا الله والله اكبر
    بصراحة لي قال النهب والسرقة .. انا من طرابلس والله ماشفت من ثوار مصراته الا الخير والله شاهد عليا ويحاسبني على كل كلمة إنهم ثوار شرفاء وعيب الكذب على الله و إن النهب والسرقة هذوا عبارة عن ناس من لي طلعهم الطاغية من السجون في بداية الاحداث سجناء السرقة والنهب والقتل عشان يديرهم متطوعين وقاعدين لتوا ماجمعوهم كلهم مشوا بدوا فيها سرقة ونهب وطبعا الناس الحاسدة ولي ماتقدرش توصل لشجاعة ثوار مصراته دفوها فيهم حتى يشوهوا سمعتهم …

    ملاحظة : لي يعرض نفسه للموت في سبيل الله وفي سبيل ارضه وعرضه ولايغيب عنه التكبير والصلاة في وقت الرصاص فوق رأسه مستحيل يتصدق فيه انه يفكر في شي يغضب الله ..

  46. الله أكبر… هكذا هم ثوار مصراته, دائماً كرٌ ولايوجد فى قاموس بطولاتهم فـرٌ… لإنهم ولدوا من رحم المعاناة والصبر والصمود وأكتسبوا خبرة عسكرية وشجاعة ميدانية تضاهي أعتى الجيوش الدولية, وتجعل فلول وأزلام القردافي يصيبهم الهلع بمجرد سماع تقدم ثوار مصراته فى إتجاهم (غصرة الذيب ولا قتلانه)… وأرجوا الإ تطول قيلولة ثوار الجبهة الشرقية حتى ينتهى ثوار مصراته من تحرير سرت والجفرة والعبور إليهم لإيصال الشاهى والكاكاويه!!!

    فريد أبوالخير- صبراتة

  47. اليبي رافع راسه فوق

    تغير إستنو شويا ياثوار !! لما القدافي إيطيح , وبعدها أبدو فب بعض هاهاها

  48. يا ليبي قديم اخر حاجة تتكلم عليه مصراتة تقول مصراتة تسرق عيب عليك مصراتة اشترت السلاح من بنغازي مصراتة من دفعة الثمن ولا تنكر التاريخ جاينكم كما تقلون

    • والله ياثائر انت علي حق حق انا من بنغازي والله لولا فضل الله اولا ثم فضل ابطال مصراته لكنا في زمن كان , في الواقع كلنا شاركنا ولكن لا يستوي الذين يعملون والذين لا يعملون واللي شافاته مصراته والله ماحقيناه في بنغازي ويكفي مصراته اللي داروه فيها كلاب تاورغاء .

  49. اختشوا على وجوهكم فليس هذا وقتا للمزايدات والمهاترات فليبيا واحدة متحدة مثل ثوارها وهذا الكلام لايخدم مصلحة الوطن نهائيا فعيب عليكم ماتقولون قولوا مايصلح لبناء وطن شتت بعض أشطاره الطاغية بالفتنة مستغلا حالة الجهل لذا معظم الناس مع العلم أني ثائر ومن مصراته.
    واللبيب من الإشارة يفهم !!!!!!!!!!!!!!!

  50. على

    وين ثوار الشرق شكلهم نوم

    • على

      ليش ما يهجموا ثوار الشرق من الشرق هما عليش عابيين عابيين على مصراتة
      وين اسماعيل الصلابى وين السلاح اللى ايجيلا من قطر غير محضن عليه لامتي
      غير فالح ايقول حولوا هضا وحطوا هضا وقاعد نوم فى المعسكر 17 فبراير

      • اول حاجة يا على محد يدوي عليهم ثوار الشرق والله قدموا واجد للثورة وفي كل جبهات ليبيا شاركوا كيفهم كيف مصراتة والجبل الغربي وبدال ما ادف في السرنقات هيا ورينا شطارتك وعديى مش علي الجبهة لا راضيين بأخر جبهة لكن بس فالحين في الدوة والهزوة عدي للمستشفيات وشوف الشهداء في المنطقة الشرقية شن دايرة فيهم الصواريخ وشوف الجرحى وبلا هزوة لان الكل ليبيا والكل ابناء ليبيا وتوجعنا الدوة عليهم وبعدين اكيد فيه تخطيط وتنسيق للثوار بين الشرق ومصراتة وهذا الجو صقع عليك يعرفوه شباب الجبهات مش اطياح النت تحت المكيف ولا للفتنة بين الليبيين ياعملاء القذافي المندسين

        • على

          اكيد انت راقدة من يوم 17/2/2011 ماتندرى على شئ ماتنندريش انا ايجوا الثوار من مصراته من بداية الاحداث على الجرافات واهل الشرق ايبيعولهم فى السلاح باغلى الاسعار ومتعرفيش ان اهل الشرق ياخدوا فى مواد الاغاثة ويبيعوا فيها للمصراتية وماتعرفيش ان كتيبة 17 فبراير ابتاع اسماعيل الصلابى ايجيها السلاح من الخارج ودسدس فيه وماقدمتش ولا خطوة قاعدين ايدقوا فى النوم وما تعرفيش انا الكتايب فى بنغازى طاحنات فى بعضهم كل واحد ايورى فى عضلاته فى الشواع بنغازى تلقاه حاط م ط فوق السيارة وايدور فى الشوارع ومايتحشمش على وجه ومسيب الجبهة وما تندريش ….. الخ شكلك انسانة جاهلة ومتعرفى شئ

      • انتم يابلاعيط تحكوا على توار الشرق ايسد انهم حرروا برقة باقل كلفة دم
        توا اولا مصراته خشت على ضواحي سرت والسبب ان معمر حاشد قواته للشراقة حاجة اخري يلي ماتفهموا اللي نقتلو ا فيهم من الطرف الاخر ليببين ونقصد على الشباب اللي مغرر بيهم ومحد يستعبط على حد نحنا في الشرق نتفاوض عشان الله سبحانة وتعالي يرفع عنا العذر لما انهاجموا المدينة اللي لاتسلم لكن مصراته معليش زودتها وتصفي في حساب وشفت بعيني حاجات واجد اتدير فيهن مصراته تظلم في الناس وبدت ترفع في خشمها لكن غير راهي اتطيح على راسها وخلو في بالكم الله ناصرنا وبدينا نخشو في الجو اللي مش تممام

      • اللي تحارب في سرت صبايا يابلعوط ايش منظر الرجالة وهم يقتلو في صبايا خايفات وحتى وكان مغرر بيهن والمعلومات هذي اكيدة والقوة الكبيرة حاطها معمر للشرق والله نسيت في البداية قبل الحظر الطيران كيف كانوا تقدموا رغم الطيارت اللي كانن يقصفن والجزيرة اعتقد كانت تنقل مباشر وشوفو اسرى مصراته اللي عند الكتائب شنو يسئلوا فيهم على هل برقه واحد يزايد على حد وفضيحة عليكم اصلا الشراقة يجو يحرروكم يسد برقة حررناها سلميا والكتائب اللي حاربنا نحنا كلها من الغرب خلونا ساكتين

    • ايديروا في اللي انت قاعد تحرر فيه توا ههههههه عدي شوفهم وبعدين تعال احكي عليهم من يوم يومنا عمرنا مالقينا لمعمر نين جا يجدا فينا الساعدي وعروض مغرية ويسد اخري انه نحنا هل برقة وقفنا على رجل واحد وانتوا مصراته بروحها ومع انه المدن اللي يلاها ملصقات فيها لكن شوف شن داروا فيها انجوها من البحر عشان نقفوا عشان خاطر ليبيا ماتنقسمش لكن شكلك تبي تولعها بينا وامنورين ياطحالب

  51. ليبية مصراتية

    السلام عليكم، الدم سايل للركبة وانتم تتعاركوا من متفضل على من، شهداء أمس مازلنا ندفنوا فيهم وانتم قلبتوا على مصراته بسرعة، عموما هذه الفتنة بين مصراتة ومدن الشرق مصدرها قناة ليبيا أشرار اللي من تحرير طرابلس وهي اتعظم في مدن ابناءها وقفوا ضد الثورة وطايحة في مصراته والزاوية وزوارة والمستفيد الأول هو ابناء بني وليد اللي واكلين تعيينات الحكومة كلها حتى اللي ماسك طرابلس من بني وليد وهي ماقدمت للثورة شي امال كان ثارت كيف؟؟

    • اختي الفاضلة ليبية مصراتية انا من بنغازي والله ما فيه فتنة نحن انحبوكم بشكل غير عادي ونفتخر بيكم مش نحن خوت ويد وحدة ضد القذافي ؟ والله لن نفرط في شهدائكم لاتقلقي عزيزتي ما فيش فتنة والحق بين والحرام بين . فقط ارجوا الا تثنوا علي انفسكم . نحن من نثني عليكم ونشكركم علي كل ما قدمتموه , مش مصراته خشمك ياقذافي ياتافه واطاته ؟

  52. ابن مصراتة

    تبارك الله علي ام الرجال مصراته …ومهما حاول من عندهم عقدة الشعور بالنقص امام انتصارات التي حققتها مصراته ..فأن مصراتة ام للشهداء تربأ بنفسها عنهم ..لاننا نعرف معني ان يشعر غيرك بالنقص امامك والحسد والغيرة

  53. شاهين بنغازي للأبد

    يا شباب وين كل حاجة مصراته
    ونسيتوا أنه الغرب كبير بكل
    يعني في غيرهم
    انتك درتوهم اكبر من جيش هتلر مصراته أقل 450 الف يا شباب
    وأكثر من 60 % نساء
    معناها الحكاية مااتوفيش
    للي قال مصراته حرروها جماعة مصراته فقط
    الله حرام عليك ليوم القيامة والله في بنغازي على مايقارب 200 شهيد في المنطقة الغربيه من مصراته ونافوسة
    ونكرت الذخيره اللي يوميا جارفتين والله المستعان
    أتقى شر من أحسنت إليه

  54. الشرق هم من ساعدوا ليبيا على التحرر امدوا مصراته بالسلاح والمال والمقاتلين الابطال

  55. ربى يهديكم كلكم ( قال رسول الله عليه السلام من تكلم فليقل خيرا اول يصمت) راه دم الشهداء يعشم فيكم للعلم انا يدرى مصراتى بس عايش فى بنغازى ونحب كل شبر فى ليبيا وثوار مصراته هم ليبييين وثوار الشرق ليبيبن فاتقو الله واصمتو ليس وقت التحدث

  56. ليبي وراسي فوق

    بالله هذا الى قال ثوار مصراتة سرقو سلاح وذخيرة الجيش الليبي يستغفر بي .. حرام عليك ياراجل السلاح والذخيرة الى خذوهن من طرابلس هما وثوار الجبل يقاتلو بيهن الكتائب مش ايبيعو فيهم سجل ياتاريخ انه في بنغازي يبيعو في السلاح والذخيرة لثوار مصراتة وزليتن والزواية ,,طلقة الكلاش والاف ان بدينار ونص والنبــــــــــــــــي تحشم قبل ماتتكلم علي مصراتة ونبي نسالك ليش طيرق ودرنة وباقي المناطق الشرقية يبعتو في الذخيرة بالبلاش وانتم جماعة بنغازي تبيعو فيها ؟؟ بالله عليكم يا اهل ليبيا الاحرار واخواتها اتقو الله في ليبيا وياسرها فتنة

  57. ليبي وافتخر

    لاشرقة لاغربية ليبيا وحدة وطنية اللهم ارحم شهذاء الوطن والواجب ومافيش حد يزايد على التاني ليبيا كلها قدمت لكن في نفس الوقت ماشاء الله على ابناء مصراتة الصمود لا ولاها انقسمت ليبيا الحق كل ليبيا كانت في الموعد الا البعض والكل عارف منو نقصدو لاامانة الله اكبر الله اكبر الله اكبر ولله الحمد

  58. فعلا ماواجعني غير الثوار اللي مع بعضهم من الشرق والغرب والشمال والجنوب الي تعبانين علي الجبهات والفاضيين اللي المفروض رجالة وعلي الجبهات فالحين في الدوة علي انجازات غيرهم بالله شن ناقصكم انت وياه اللي قاعدين علي النت وتتفاخروا بامجاد غيركم والابطال علي الجبهات خوت وارقد انت وياه لان كل ليبيا قدمت ومصراتة بالذات ما عندي ما انقول غير مصراتة الصمود ولكن ليس لكم الحق من تهميش الغير ولان معمر حاط اكبر قوة شور الشرق واللي يدوي امقيلين والله ان المناطق الشرقية وانا ندوي علي مدينتى بنغازي كل يوم شهداء وجرحي من الجبهة وكل المعارك اللي في ليبيا خاضوها ثوار الشرق ومصراتة والجبل الاشم واسألوا الثوار بعد انتهاء الحرب ونصيحة ما تشمتوش جواسيس معمر اللي علي الشات ويبثوا السموم و قاعدين بينا وانتوا بدال علي الاقل من ان تدعوا للثوار بالنصر وحقن دمائهم لا فالحين اطياح علي النت وهذا قدم وهذا لا وليس الفتى من قال هذا ابى ولكن الفتي من قال ها انا ذا فاهمين يا مغفلين وبعدين شن درانا ان اللي يكتب من مصراتة وكان فيها وقت الضرب والقصف والا كان في تونس والا مصر ارجو من عرب الشرق ان يكبروا عقلهم والاجر علي الله هو اللي عالم وخلي اللي يبى يدوي يدوي المهم ربي هو صاحب الفضل والايام القادمة سوف تكشف المستور

  59. ابن مصراتة

    مصراته ذات الرمال بلادي
    قد جاهدت في الله حق جهادي
    كم جاء للطليان هزم ٌ واضح ٌ
    منها ونالوا أكبر الأنكاد
    شهدت به ضباطهم وجنودهم
    والحق ُ ماشهدت به الأعادي
    قد حاربتْ في ليبيا من غربها
    حتى إلى الشرق بدون هوادي
    وصحائف ُ التاريخ قد حفظتْ لها
    أسمى جهاد ٍ رغم كل مُعاد
    ماكان يخفى حربها وجهادها
    إلا على وغد ٍ من الأوغاد
    بل حاربت ْ حكامهم وفلولهم
    حتى لدى استعمارهم لبلادي
    فأبت ْ قبول صحيفة الجنسية
    منهم برفض ٍ كامل ٍ وعِناد
    وأتت بما قد حير الأفكار من
    حكامهم حال اجتماع النادي
    وقد استمرت في مقاومة العدا
    في كل وقت ٍ بالسلاح العادي
    حتى تطهر َّ شعبها الآن ونا
    ل حقوقه رغما ً على الأعادي
    ومضوا إلى روما فلا رجعوا ولا
    رجع َ الحمار ُ بهم لهذا الوادي

  60. مصراتي وأفتخر

    اني مش عارف موضوع بني وليد والمناصب
    هل لأن محمود جبريل من ورفله حاط أبناء عمموته كلهم في القيادات ليش مافيش ولا مصراتي في أي مكان لاتنسوا مصراتة عيب عليكم

  61. والله فاحت بنة مجارى المصاريت وشدوا ارواحكم
    الضراط والتفحيج بالبلاش
    والله يا مصاريت لولا بنغازى ان الكتائب اي****م كلكم وتوا فى الوسع جايين اتفحجوا
    حسبى الله ونعم الوكيل

  62. اغلقو افواهكم منك ليه وقول خير او اصمتو واتقو شر الفتنه وكل ليبيا ثوار سواء مصراته ولا بنغازى………..اكثر 3 مدن قدمن شهداء بنغازى ومصراتع والزنتان وباقى المدن كلها قدمت شهداء ………بالنسبه لموضوع السلاح كذاب من يقول ان بنغازى باعت السلاح لعرب مصراته……….الا ضعاف النفوس وهؤلاء ليسو محسوبين على بنغازى …….ولا اريد ان ادخل فى مواضيع تافهه…….بالله الى يموت من مصراته ولا بنغازى ليبى ونحسو بيه ونتالمو على خاطره ……………..للعلم انا مصراتى من بنغازى

  63. خوتى ما حد ينكر بطولة مصراته وكلنا انحبوها بس ارجوا من اللي يكتب من مصراته وايقول انا انبيعوا فى الذخيرة لمصراته نبى انوضح ان الذخيرة الثقيلة اللى متوفرة عند المجلس اندزوا فيها مجانا لمصراته واسالوا مجلسكم العسكرى بس الذخيرة متاع الكلاش والاف ان كانت عند الناس سرقوقها من المعسكرات وفى الاول عطوا بلاش لكن لقوا تجار سلاح فى مصراته ايبيعوا فيها فقالوا نحن اولى ولا احد يستطيع ان ينكر تجار السلاح فى مصراته كما فى بنغازى اما الثوار فاهل الشرق موجودين فى جبهات مصراته وجميع ليبيا واسالوا مجلسكم العسكرى

  64. حي حي هذا شنو ؟؟؟ راهو تفرحوا في الطاغية وعبيده
    توا يقروا ومعنوياتهم عالية من الشماته والفرحة
    هذا لي كان يبيه ويخططله الطاغي 42 سنة وجي البعض ثبته

  65. ابو اسلام

    يا إخواني ويا أخواتي :
    احذرو من الطابورالخامس وازلام النظام
    اللذين يتداخلون معكم لبث الفرقه والشقاق
    بين اهلنا في الشرق واهلنافي الغرب من
    جهه وبين ثوارمصراته وثوارباقي المدن
    لان القذافي اراد تقسيم ليبيا ولكن مصراته
    تصدت له وقسمت له ظهره وقضت علي
    اللواء32معززاللذي يقوده ابنه خميس
    اكثرمن (10000) جندي ومرتزق ابتلعتم
    رمال مصراته، وبالتالي فان مصراته
    اصبحت هدفا للقذافي وازلامه لبث الفرقه
    والفتنه وتشويه ابطال مصراته وابطال ليبيا
    واريد ان اقول للشرفاء من الليبيين الاحرار
    لانتساقو وراء هؤلاء الانذال ولاتردوعلي
    ترهاتهم ،واريد ان اقول لهم : ان شباب
    يقدمون ارواحهم في سبيل الله وفداء للوطن
    ومن يتركون دراستهم فى اوربا وامريكا
    ومن يتنازلون عن اموالهم واولادهم
    فداء لهذا الوطن لا يمكن ان يكونو لصوص
    اوسراق كما يدعي البعض ،امابالنسبه للسلاح
    اللذي غنموه من المناطق اللتي حرروها فهو في
    امان وفي ايدي امينه وسيتم الي المجلس الوطني
    بعد تحرير ليبيا. قال تعالي(قل موتو بغيظكم )
    وعاشت ليبيا حره ابيه

  66. Hamza

    المدعو حر آخر: إنما النصر من عند الله…فالتاريخ يكتب بالدم لا بالحبر،،،
    أما البنا االلي تحكي عليها يمكن ريحة الشهداء
    فلك فقط لاغير سنرى من ذا الذي سيحرر سرت وسبها والجفرة
    ياإفحيج انت
    للعلم عدد شهداء مصراته في:
    مصراته 1490 شهيد 800 حالة بتر أطراف 1200مفقود
    فكيف يقول حررنامصراته وغيرهاومنطقته غير محرره “الوادي الحمر” ينار عليا
    لكن بعد تحرير إنجوكم إن شآء الله ونحررن معاكم. “جاينك”

    • بنغازية فخورة للمليون

      ياأخ حمزة وغيره وغيره بالله عليك تسكت لولا بنغازي راه ماصارتش الثورة من الاساس وانتو يامصراتية طول عمركم امرقدين لدرجة اني فالثورة كيف عرفت انها 3مدينة وبعدين العنجهية عندكم كلكم حتى خوتنا النازحين منكم نفس المشكلة ورد بالك تحسابنا مش عارفين ان اول من طلع مظاهرات عندكم هما عرب الشرق وهدا بلسان مصراتية وانحب انقول وبكل صراحة ومن الاخير ولاي واحد اعلم انه مهما ارتقيت فهناك من هو اعلى وستجده دائما بنغازيا وعلى كل واحد ان يعرف قدره وفالختام تحية لكل مصراتي وليبي حر شريف

  67. الله اكبر ولله الحمد
    جايينك يا بوشفشوفة انت وعبيدك وحثالتك اصحاب الخرق الخضراء
    مفيش رق بين شرق وغرب ولولا الشرق ماصار من المجلس الوطني ولا نلنا اعتراف الدول الغربية بنا ولا كنا نحصلوا اسلحة ولا نسيتوا ان الشرق هم من ارسلوا السلاح الى الجبل الغربي ومصراتة ؟
    يا فتانة يا اعوان الشيطان لا تحاولوا الفتنة بين الشرق والغرب ومصراتة والجبل

  68. يا جماعة احذروا الفتة لان بعض الردود يكتبها عبيد القردافي باسم اهل مصراتة للوقيعة بيننا نحن الثوار الاحرار

  69. علي

    الله أكبر,,
    أني مصراتي و خوالي من بنغازي. و الله يا جماعة عيب كلام الفتنة. زي مصراته زي بنغازي ثرنا علي هدف واحد. كل ثوار ليبيا في الجبهات تريس. و القدافي و جماعته قهرتهم المحبه الي بين الشعب بالكامل. طايحين فيها مكائد.
    واذا كان ع التاريخ فكل حد عنده نصيب في التاريخ. وموثق بالصور و الفيديوات ومش ليبيا تعرف بس العالم بالكامل يعرف. و العالم ينادي فيكم ويعرفكم ثوار ليبيا.

    وحدة الصف أهم من كل شي.

    • تسلم يا علي وصحيت علي هذا الكلام الطيب وياريت الشعب الليبي لا يخوض في الفتن ويكون يدا واحده ضد هذا الطاغيه و ابنائه و ازلامه حتي النصر وبعد النصر لنيل ليبيا الجديده الحره وتكون ارقي و افضل واجمل بلاد العالم

  70. سوسو

    ,والله اللي بيدوي علي مصراته يمشي يتوضأ قبل مايدوي لأن مصراته شرف كل الليبيين واحني شاكرين عرب الشرق وماننسوش فضلهم في بيع السلاح اللي قطعة اكلاش وصلت بأربعة ألاف

  71. الثائر من الجبهة

    أنا نعرف حاجة وحدة,,,,,,,,,,,,,,,,,,الذين لديهم الحق أن يتكلمو هم الذين موجودون في الخطوط الأمامية,,,,,,,,,و الخطوط الامامية لا يتوفر فيها الانترنت,,,,,,,,,إذن الذين يكتبون الأن في صفحات الانترنت,,,,,,,,,,,,,,كلامهم فاضي,,,,,,,,,,,كلام أطفال صغار,,,,,,,,,,,,بنغازي دارت,,,,,,,مصراته جاهدت,,,,,,,,,الجبل حررو,,,,,,,,,,,اخخخخخخخخخخخخ

    امشو للجبهة و شوفو الرجال شن يحكو,,,,,,,,,,,,,,,,,,,

  72. امحمد الهادي المصراتي

    الله اكبر الله اكبر الله اكبر ولله الحمد

  73. مصراتية وبكل فخر

    الله أكبر يامصراتة

  74. أنى من مصراتة واوجه تحية لاهالى جميع مدن الشرق الابطال واقول لجميع اخوانى واهلى من مصراتة ان اهالى مدن الشرق مشهورين بالشجاعة والبطولة ومعارضة القدافى مند القدم واكثر مازاد اعجابى بهم هو التحامهم ووقوفهم وقفة رجل واحدة ضد القدافى فى الثورة , وليس كمصراتة التى هتفت المناطق المجاورة لها “نبو مصراتة ياقايد ” …والله لو كانت مصراتة من مدن الشرق لما وصلت كتائب المجرم الى اهلها الا على جثث اهل مدن الشرق..والسلام عليكم

  75. انا مصراتيه الاصل وعايشه في بنغازي والفتنه مش حتأثر علي اي عقليه راقيه حتأثر بس عالنفوس الضعيفه والشعب الليبي شعب واحد بقلب واحد ضد هدف واحد وعيب يا {بنغازيه فخوره للمليون}لما تحكي هكي كلنا من اصول ليبيه عريقه عربيه وكلنا نفس الدم وانتي كان مش عارفه انها 3 اكبر مدينه في ليبيا فهذا جهل واستغباء منك وعيييييييييييييييييييب يا شباب بلادي تكونو بهالمستوي لازم تكونو ارقي من هكي بوااااااااااااااااااااااااااااااااجد والسلام عليكم

  76. وصال البرانى

    والله حرام الا اديرو فيه بعضكم احنا كلنا ليبين ومافيش حد يتجمل ع ليبيا ومافيش فرق بين مصراته والشرق ولا اى منطقه اخرى وفى ناس فى الشرق مازال تبى معمر وفى مصراته ايضا بس الاغلبيه معارضه للنظام يا اخوانى احنى مانبوش توا انقولو هالكلام الفاضى متاع انى مصراتى انى الا حررت ليبيبا وانى الشرق الا حررت ليبيا لو الشرق ناضت بروحها بس راهو ماتحررتش ليبيا او مصراته بروحها بس لكن لما ناضت ليبيا كلها شوفو الحمد لله كيف تحررت احنى كلنا ليبين ليبين مافيش حد مصراتى ولا شرقاوى او غرباوى لالالالالالالالالالالا كلنا ليبين وكلنا ساهمنا فى تحرير ليبيا لان لراهو لو قعدنا انقولو هكى حتصير بينتنا فتنا وحرب اهليه وقبليه ياريت تو انفكرو فى اصلاح ليبيا واعمارها باش دم شهداءنا مايميش هباء ونديرو الا كانو ينمنوه والا طالعين ع خاطره ارجوووووووووووووووكم

التعليقات مغلقة

شارك برأيك

* كيف ترى خدمات الانترنت التي تقدمها شركة ليبيا للاتصالات LTT؟
 

شارك برأيك

  صحيفة قورينا © جميع الحقوق محفوظة