صحيفة قورينا الجديدة

أهالي الأصابعة يسلّمون أسلحتهم والمطلوبين إلى ثوار غريان

سلّم الأهالي بمنطقة الأصابعة أمس الأربعاء، أسلحتهم وذخيرتهم والمتطوعين الذين كانوا منخرطين مع النظام السابق  للعقيد معمر القذافي.

وذكر مصدر عسكري من مدينة الزنتان لصحيفة قورينا، أنه تم التسليم بناء على ما تم التفاهم عليه في الاجتماع الذي جمع بين ثوار غريان وككلة مع وجهاء الأصابعة بحضور ثوار الزنتان.

وأضاف المصدر، أنه تم جمع وتسليم العديد من الأسلحة الخفيفة والثقيلة مع الكثير من الذخائر المتنوعة والسيارات التي سُلمت للمتطوعين، وقد سلمت هذه الأسلحة والذخيرة – التي لم يتم حصرها إلى الآن -للوسيط المتمثل في ثوار الزنتان مع ثوار الأصابعة.

وأكد المصدر، أنه تم تسليم عدد 62 شخصا مطلوبين للعدالة وهم الآن في مقر كتيبة شهداء غريان بمدينة غريان، وبهذا فإن الأصابعة الآن حرة مثلها مثل غيرها من المناطق المحررة، يرفرف في سمائها علم الاستقلال ويفوح عبير النصر والحرية بين أوديتها وسفوحها وفي طرقاتها وشوارعها.

وكان مصدر عسكري من مدينة غريان أمس الثلاثاء،  قد ذكر أن المهلة التي أعطيت لقبائل الأصابعة لتسليم أسلحتهم والانضمام إلى الثورة سوف تنتهي أمس الأربعاء .

وعبّر أهالي الشهداء في غريان عن استيائهم مما ذكرته إحدى قنوات الإعلام الليبية نقلا عن أحد ثوار الأصابعة بأن من نفذ الهجوم هم العصابات الإجرامية ولقد تم صدهم من قبل ثوار الأصابعة.

وذكروا أن ما حصل هو خيانة من قبل أزلام القدافي لثوار غريان وككلة أثناء قيامهم بعمليات تمشيطية لمنطقة الأصابعة الموالية للقذافي، وأن كل ما قام به هؤلاء الأزلام من خيانة وقتل أسرى وجرحى ينافي الأخلاق الإنسانية والإسلامية بحسب قولهم.

يشار إلى أن أعيان وقادة المجالس العسكرية من غريان و ككلة والزنتان،  اجتمعوا مع أعيان قبائل الأصابعة يوم السبت الماضي، واتفقوا على أن يتم تسليم جميع الأسلحة والأشخاص المطلوبين يوم غد الأربعاء ، حتى يتم حقن الدماء، وإنهاء القتال من المحورين الغربي والمتمثل في ككلة والشرقي والمتمثل في غريان ،وإن لم يوفِ بالشروط في الموعد المحدد ، فإنه سوف يتم تمشيط الأصابعة ابتداء من فجر يوم الأربعاء بالخيار العسكري

قورينا الجديدة- غريان – أحمد عجاج

119 تعليقات على “أهالي الأصابعة يسلّمون أسلحتهم والمطلوبين إلى ثوار غريان”

  1. اصلا في النهاية الذي يقودهم ويشجعوا فيها انتهاء

  2. الله اكبر الله اكبر الله اكبر

  3. اللهم احقن دماءنا وألّف بين قلوبنا ووحد صفنا واهدنا إلى أرشد الأمور

  4. الهم الف بين قلوبنا واهدينا الي الصراط المستقيم , شكرا لثوار غريان وثوار الاصابعة

  5. حبيب مصراتة

    نرجوا من اخواننا في المجلس العسكري توفير اجهزة لكشف الاسلحة حتى يتمكن الثوار من تمشيط هذة المناطق
    من الاخير الثقة في الرسول والرسول مات

  6. التاريخ كتب وانتهى الأمر من كان مع القذافى وقاتل معه ذهب الى مزبلة التاريخ ونحن تعتذر لمزبلة التاريخ عن هؤلاء

  7. غرياني حر

    اريد ان اكد ان الاصابعه منطقه تحب القذافي وهيا التي وقفت معه ولكن كما تدين تدان وسبحان الله الاصابعه منعت اهالي ككله من الغذاء والدواء

    • اصيبعي حر

      لما تريس الاصابعة تهرب في السلاح لتوار ككلة والزنتان عبر الكاف انت وين ؟

    • يا غرياني ياحر انشد ككله من كان ايهربلهم حليب الاطفال والدواء و الماكله وما تنساش أول سيارات دخلو لغريان سيارات ثوار الاصابعه هم اول من حررو القواسم

  8. ليبي وافتخر

    الحمد لله الله اكبر الله اكبر هكي الصح المفروض من الاول ياخواننا في الاصابعة

  9. مصراتي وأفتخر

    الحمد لله
    لكن مع الاسف اخوتنا في الاصابعة دافعوا عن شخص ولم يدافعوا عن الوطن ، بس مش مشكلة

  10. غريان يا غريان فيك التريس تبان

  11. هذا الكلام عاري من الصحه. الاصابعه مازالت مليئه بالسلاح وازلام القذافي والدليل ان زعماء ما كان يعرف بجحفل الصمود (وهي تسمية لازلام القذافي المسلحين) من امثال سالم الفيتوري وميلود العجمي وخالد التمتام ما زالوا يصولون و يجولون، ام انظموا الى الثوره وانشقوا؟؟؟؟؟؟؟؟؟؟ بعد ان كانوا يمولون المتطوعين ويصطحبوهم الى قتال اخوتنا في مصراته و زليطن. ام انسيت يا ميلود يا عجمي انت و جرد التمتام.

  12. الله اكبر … لعن الله اليهودي اشكالون القردافي الذي فتن بين الليبيين وضحك على عقلية الجهلة البسطاء لينحازوا اليه … هذا هو التصرف السليم اما من يرفض الاستسلام من عبيد القردافي فالواجب قتله بلا رحمة

  13. الحمد لله رب العالمين والصلاة والسلام على الحبيب المصطفى ..
    أما بعد ،،
    أخوتي نحن لحمة واحدة رغم ما حاول ان يبثه الطاغية من فرقة بين صفوف أبناء الوطن الواحد من مشرقها ومغربها وشمالها وجنوبها…
    نحن أبناء وطن واحد نحلم ونعيش حياتنا ونبكي لبكاء طفلنا .. ونفرح لفرح ابناءنا .
    الحمد لله الحمد لله الحمد لله والله اكبر على من طغى وتجبر
    الله اكبر على الطاغية ومن اعانه على ظلمه.
    ونعود بالله العظيم من شر الفتن ما ظهر منها وما بطن
    والسلام عليكم ورحمة الله وبركاته اخوتي الليبيين في بقاع وطننا الغالي.

    تسلموا ..

  14. الاصابعة اما بني وليد فهي لا لانه محمود جبريل تهله ودمهم غالي اما الباقي لايهم

  15. الله أكبر أولا تم سمعوني ياشباب بالله عليكم وخاصة حبيب مصراته وغرياني حره ولله ولله فى ناس من الاصابعه مع تورةوالتوار 17 فبراير وخاصة قبيلة ضوه بالاصابعه ولكن كانوا يعنون من أتباع طاغيه وأنتم مجربين ياغريان شي هدا بالله بالله عليكم معدش تجمعوا الاصابعه كلهم فى سله واحد بالله عليكم ياسر تعابه وختناق يلي مديرنهنا غريان فى وقت حالي على فكرى فبيلة ضوه مخرج منه توار على رئسهم رئيس مجلس عسكريه بالاصابعه سعد شرتاع

  16. بصراحة التاريخ لايرحم والسنين حتثبت مهما ادعينا بأننا جميعاً ليبيين ولحمة وطنية مع إحدى ( كتائب الطاغية )
    للعلم حدث وأن معظم النساء الثائرات بنات الثوار والتي لهن بنات واولاد . طالبن بقوائم اسماء من كانوا من ضمن كتائب الطاغية الذين قاتلوا وعذبوا شبابنا في جميع مناطق ليبيا حتى لايقعن في المحظور وايجي اليوم اللي يزوجوا ابناءهم لشخص دون معرفة كامل ماضيه والتي لن يرحمه التاريخ هو او من كان من ذريته … وقطعوا عهد على أنفسهن بذلك

    حتى هي خيانة وطن وقبل لايكون وطن كانت خيانة ( الله ) سبحانه وتعالى

    • بسم الله الرحمن الرّحيم
      نداء من ليبي حر من منطقة الاصابعة يغار على هذا الوطن الحبيب الذي عانى الكثير والكثير بداية من الأحتلال الأيطالي وحتى عهد القذافي الذي حوّل ليبيا الى قطعة من الصحراء على الرغم من الثروات التي توجد بها.أخوتي في البلد الغالي والمحرر لا تنساقوا بهذه الأشاعات المغرضة الى حرب أهلية لا نعلم نهايتها متى, ولكن كونوا يدا واحدة وانسوا أحقادكم فليبيا تناديكم ومحتاجة لكم وكفى بغضا وكراهية لبعضنا البعض فهذا لن يخدم ليبيا في شيئ بل على العكس سيجعلها دائما للتخلف ولن نستفيد من هذه الثورة العظيمة ألأ اذا تصافحت قلوبنا قبل أن تتصافح أيدينا.وبالنسبة لمنطقة الأصابعة انا أصيبعي وأعلم الذي يجري فيها أكثر من أي شحص أخر.الأصابعة انتفضت من بداية الثورة من حين سماع أنّ القذّافي قد رحل الى فنزويلا قام الشباب في تلك الليلة بحرق المثابة الثورية ومداهمة مركز الشرطة وكتابة عبارة يسقط الطاغية على أحد الجدران في وسط الأصابعة الا ان هذه الأنتفاضة خمدت من قبل بعض الأشخاص سامحهم الله. هذا ردا على أحد الأشخاص الذي قال أنّ الأصابعة لاتزال موالية للقذّافي. وبالنسبة للحساسياات التي يحاول بعض الأشخاص والذّين يكرهون منطقة الأصابعة ويضمرون الشر لها يحاولون بثها في ليبيا, فأنين أقول لهم اتقوا الله ولا تحاولوا بث الأشاعات على هذه المنطقة بغية لحق الضرر بها مثلما حدث يوم السبت الماضي عندما قام ثوّار غريان بالتنسيق مع ثوّار ككلة بمداهمة منطقة الأصابعة بحجّة وجود كتائب القذّافي فيها أو بحجّة أنها لا تزال موالية للقذلفي. هذا العمل لا يجوز لا شرعا ولا عرفا لأن الأصابعة متحررة والدليل على هذا أن الثوار عندما داهموا وقتلوا وللأسف سرقوا كان علم الأستقلال الذين يدّعون أنّهم يحبّونه كان يرفرف على منطقة الأصابعة شاهدا على جرائمهم التي ارتكبوها بدافع نحن في الأصابعة ندركه جيدا وهو دافع قبلي وحساسيّات قديمة لا علاقة لها لا بالنظام القديم ولا بالجديد.عموما ماحصل قد حصل والتوبة تجبّ مل قبلها, فأهالي منطقة الأصابعة يفتحون قلوبهم للجميع من كل المناطق للأنضمام لهّذه الثورة المجيدة والتي نرجو من الله ان تكون ثورة حقيقية بعيدة عن التعصّب والواسطة والمحسوبية والظلم. وأخيرا أريد أن أتقدّم بالشكر لكل ثوّار ليبيا الذين قدّموا أنفسهم فداء لهذا الوطن وبالأخص ثوار مدينة الزنتان المجاهدة الّذين ثاروا من أول يوم وصمموا على النصر حتى نالوه. هؤلاء هم الثوار الحقيقيون ليس مثل بعض النّاس الذين كانوا بالأمس القريب تحت غطرسة وظلم مبروك سحبان واليوم يداهمون بيوت النّاس ويقتلون ويشرّدون بحجة أنّهم ثوّار. والسلام

    • ددودنا قالو : طرابلس يا بقعت الدم جاك الخلي يا زواره يا زاويه انبشرك بالهم جنزور هيا الاشاره غريان يا نصرة الام :

  17. محمد الحاجي

    ككلة انحب ترابك ياكل حياتي ربي ينصر توار ككلة

  18. تاجوري حر

    تريس يا غريان من يوم يومكم صحة ليكم يا احرار

    • أصيبعي ومن يومي حر

      غريان ماتحررتش لين حرروها ثوار وكان فيهم ثوارالأصابعة فوين كانو تريس غريان مع العلم أن عدد أفراد الكتايب كان بسيط جدا وماقدروش يتحررو وتو يورو في فلاحتهم أصلا هما ثوار العيد التريس فالزنتان

  19. وائل

    وناسين ان غريان عندهم جحفل ايضا وكان. في بوابه الكليبه

  20. وائل

    والي يديرو فيه اكتر من جحفل الاصابعه وغريان يديرو في روحهم فرسان كان توه خير قبل الي ليهم الشرف هم اهل كمون بس وغريان الوسط ميدين للنظام وصلت بيهم الدرجه مسيرات بالخيل وتاني مسيره بسيارات الحد الاصابعه وانا اعرف منهم ناس وانا شفت هذا بعيني ولاتقولوا يكذب ونطلعهم الناس هذم وتوه طلعتوا الاصابعه ماتنفعش والاصابعه في ناس من غريان تمول فيها الاصابعه بسلاح ولاكذب هذااا

  21. وائل

    ومن زيت غريان مايحبوش الاصابعه وغريان بيطلعوا اروحم فرسان هههه
    غريان من الي حرركم من الاصابعه ومن باقي المدن الاخري وناغرن من فرسان الاصابعه الي حروهم والاصابعه حررها اهلها ومايبوش هذي ههههههههه

  22. وائل

    وكتيه العكرمي وينها الي وجهتوها هههه هو العكرمي من وين دخل مضراته يامات يانشق والكتيبه اكلها روحو لي منازلهم معاش تكذبوا باللههي عليكم هههههههههههه
    يديرو في نكت مهناش بكل هههههههههههههه يافرسان خيركم مادرتوشي قبل ههه امتي محاصركم سحبان يابطال هههه والمشكله الي مخليهم سحبان في المقر ينعدوا بصبع ههههه يافرسان ياااااافرسان وينكم ايام زمان ههههههههههههههههههههههههههههههههههههههههههههههههههههه

  23. كلام الحق ينقل نشكر شكر كبير لاهالي الاصابعه علي هل الستقبل الجميل وفعلن الاصابعه شجعان وكرامه وعاشت ليبيا حره زنتان حره

    • اصيبعي حر

      منور يازنتان حرة …الزنتان والاصابعة خوت ياقردافي مووت مووت

  24. ولله الاصابعه رجله لانهم وجهوا غريان وككله وأستقبلوا ثوار زنتان بكل محبه و واد وأنا نشكر اهالي الاصابعه عاشت زنتان حره

    • اصيبعي حر

      والله يازنتاني الاصابعة يعزووا اهل الزنتان من قديم الزمان وهادي موتقة ياخوي

  25. شكرا يازنتان حره فعلن الزنتان رجاله ونقدر موقف الزنتان تجاه الاصابعه ياقدافي موت موت الاصابعه وزنتان خوت أصبعيه حره

    • ابن الاصابعه الحر

      ياختي سبب الفتنه هم اهل غريان ليس اهل غريان بصفه عامه في ناس مايحبوش الاصابعه

  26. نداء الحق

    ياغريان انتم من امتي درتو موقف في تاريخ.. حتي في عهد الطليان تاريخكم مش مشرف ,من ظمن الي خشو لغريان وحرروها من توار الاصابعه.. وبنرد علي قال قطعتو تموين علي ككله ليش الكدب احني قسمنا تموينا عليهم .واحني مانبو انمنو لكن من الغيظ خليتونا نتكلمو..قولنا بلاد جديده معاش فيها حقد لكن خلتوه يزيد ونوضتو تارات الي زمان اتقو ربكم وليش فتنه هده وتشمتو الظاغيه فينا اصل الي اديرو فيه من نشر فتنه وحقد زي ماهو يبي وهدا الشيء يدل انكم انتم اتباع القدافي وبتمسحو العار الي درتوه انت بوابه جبل وماخليتو التموين يخش انتم الي فيكم كتيبه سحبان وتلاته رابعه غراينه وحقدكم علي الصاابعه ازلي.. غصبن عنكم الاصابعه تريس واحرار ومتستنا ناس خوانه وحقوده مش اتحررها حسبي الله ونعمه وكيل فيكم ناشرين حقد
    وفتنه يااحفاد الشارف الغرياني ….

    • وائل

      ياخي انا اصيبعي وفي الاحداث كلها اني غادي الي داروه جحفل غريان الي في الكليبه مادراش واحد تاني

    • غريان تريس وأحرار ع فكرة طليان انتم لدخلتوهم علاش الكدب ياشلافطية كان حق حمد بن رمضان راجل علاش يقتل في روحه وهرب زي زي سحبان معليشي فاتكم القطار يامتسلقين ياأحفاد حمد بن رمضان,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
      وتو رواحكم جايتكم رعاية الاغنام لغريان وحتي وتينالكم الزرايب هههههههههههههه

  27. ولد يفرن

    اسكت يا زنتاني اسكت ، نسيت من وقف معاك ؟؟؟
    تي كان مش من الغراينة راهو جبل مات بجوع ، نقول في الحق اني واني واحد من توار يفرن وعارف الغراينة زين ولي الشرف اني شاركتهم في تحرير بلادهم ، وعيب عليك يا راجل اني منرضاش في ولاد الجبل ينقال عليهم هكي زى من الاصابعة ولا من غريان ولا من الزنتان ، التريس تقول في الحق و ما تشوهش السمعة على حسابك الخاص ، وتحية لغريان وتريس غريان والجبل بالصفة عامة ، ولد يفرن الحرة غاير ع الجبل كله من وازن الى غريان .

  28. وائل

    لاماتغلطش ياولد يفرن غريان مادروشي اني كنت غادي وشفت قول الاصابعه الي سعدوا الجبل وهذا اهل الاصابعه مايتبهوش بيه لان في لان في النهايه خوت واي اصيبعي دار حاجه بينه وبين نفسه مش يتبها ان درت

  29. ابن الاصابعه الحر

    وغريان عيب عليكم وصلت بيهم الدرجه الي يخدموا في غريان من الاصابعه وبره غادي وماجوش لي اعمالهم دارولهم فصل خاصه الي يخدموا في الشرطه والاصابعه مادروش العمل هذا وبره للمركز الاصابعه وشوف

  30. ابن الاصابعه الحر

    وغريان امتي داخلو مدخلوش بحترام دخلوا شيفين اروحهم وكلوا علي راسهم سرقوااا وهانوا بعض من اهلي المنطه كما قالوا البادي اضلم وصارت المشكله ومع هذا اتصلوا بشيخ الصادق وقال لهم الي يدخل للمنطقه قتلهم حلال

  31. ابن الاصابعه الحر

    واهل الزنتان بارك الله فيهم ناس محترمين حتي الاطفال فرحنين بيهم امتي اتكلم واحد يقولك طالما خلو فيه خوالي الزنتان تمام الامور والاطفال فرحنين وصلت بيهم الدرجه قالوا بيقرونا الزنتان بارك الله فيكم يااهلناااااا وشكرااا وصدقوا امتي سموكم خوالي الزنتان

    • عيب يا اصابعة انتو طحالب كيف تبو الناس تحترمكم ومازل عندكم وجوه تدو مبردكم انتو عارفين موقف غريان شن من بداية الاحدات وتوا بطلعو فينا لولا احني معارضين وكملناها برجوليا لاخر لحضة وشاركنا حتى ف تحرير طرابلس وانتو موقفكم واضح لقاقة القدفي حاشة توار الاصابعة
      غريان حر

  32. ابن الاصابعه الحر

    وفي النهايه مش تقولوا يزرع في الفتنه هذي مش من طبع اهل الاصابعه الفتنه لاكن الي ديرو فيه غريان عيب عليهم بيشوهو سمعة المنطقه ومستحيل يقدروها وفي النهايه نحن خوت الي يبي والي مايبيش هذي الفتنه هم اديرو فيها الطحالب وحني منبوش هذاا ليبيا ليبيا وشعبها ومانبوش هذا ليبيا وبس وشعبها وبس

  33. لاحول ولا قوة الا بالله
    قلبي لن تقطع ماصدقت الليبين الاحرار ترابطوا بعد الفرقة والود انتشر بينهم
    نحس ان لي يعزر في الثاني منطقتك ومنطقتي مستحيل يكونوا من الثوار
    لان الثوار باعوا الدنيا كلها في سبيل الله وعلى خاطر الآخره باش يحرر أي منطقة يلقاها مظلومه شرق ولا غرب او جنوب
    ونشبح في كلام نشم فيه ريحة وكأن عبيد الطاغية خاشين بينا
    واللي ماكملاش الطاغية يكملوه هما
    ماهو بيعيشوا بينا طول حياتهم وهما يحبوا الفتنة والذل
    واعلموا إن اي شخص يكتب بينكم و يقول منطقتي ومنطقتك إنه مش من اخلاق الثوار الراقية
    مستحيلة
    وهذه اخلاق عبيد اليهودي بس مافيهم غير الفتنة ولكذب ومتعودين على الذل وهذا علاش ماتعودوش إنهم يحبوا حتى ارواحهم

  34. اولا يا الاصابعه غريان تحلمو باها فى الحلم بس معاش تحلمو تخشولها من الى درتوه فينا ومن قصف بى الصواريخ نسيتو يوم تحرير طرابلس الناس فرحانه واحنى تقصفو فينا فى غريان ولا نسيتوه وتانى حاجه كان تبوها غريان راكم خليتوهم يخشو من القواليش مش من القواسم اهو جاكم يوم حتى انتو وغرياااااااااان خشت التاريخ بى اوسع ابوابه وناتاسف على خشو المزبلة التاريخ ومعروفين منى ….عاااشت غريان واحراااار غريان بنشكرو احنى فى غريان مدن فى الجبل زى يفرن وككله ونالوت والقلعه الى جو مع توار غريان وحتى احتفلو معانا لما تحررت غريان…. عااااااااااشت غريااان

    • الاسد

      ياحلوه 32 الي حرار غريان ماتنسيش انهم في ناس من الاصابعه

      • ياأسد روحك قداش الي شاركو من الاصابعة وبعدين انتو قتلتو أسرى غريان واحني مش ناسيين واحني مانرحموش الخيانة ودمهم مش حيمشي بلاش ماتفرحوش يا طحالب يارت رجوليتكم جت مع الحق لاكن التاريخ انكتب وفات خسارة زدتو شوهتو
        روحكم والتاريخ يعيد نفسه مش جديدة عليكم الخيانة
        غرياني حر م17 فبراير

    • الاسد

      ههههههههههههههههههههههههههههههههههههههههههههههه

    • هنتم اهل الاصابعة في البوبات وقبضتم علي موطنين ابرياء كانو متجهين الي طرابلس ولاتنسو انا من حرركم انتم تريس الاصابعه وتريس ككلة ويفرن بس نحنا مانغلط معا حد والي يغلط فينا يأكل علي رأسه….

    • رضا لاصيبعى

      بنت غريان
      طيح سعدك احنا الاصابعة فى ليبيا كلها
      معروفين تريس ومستحيل انخونو وانتم
      الجيش يطلع ملبين منازلكم اسكتى
      احسن تاريخكم اسود يااحفاد
      الشارف الطليانى

  35. عاشت عاصمة الجبل الاشم

  36. وبالله عليكم يااا زنتان ما تخسروش حتى غريااان احسن واحنى الجبل ونعرفو بعض كويس والاصابعه لا اليوم ما سلموش وقاعدين يبو القدافىوحتى انتو عارفين هادا …

  37. الحر

    لاتنسوااااااا جحفل غريان جخفل غريااان لاتنسواااااااااا

  38. الحر

    ياخوتي الي ادير وفي الفتنه هم غريان غريان ولكن حاره عليهم الاصابعه يبو ولا مايبوش يبه بذراع عادي يبوها زي مايقولوا التوانسه بالخرطوش نحن هلها اي الرصاص مافيش مشكله

  39. الاسد

    الاصابعه مش كان صبروا علي الي يدرو فيه غريان لاكن كان تفجره قنبله الاصابعه خلاص بتصير حرب بين غريان والاصابعه والسبب غريان الحصار هذا الي مديرينه وهم ماوصل فيهم شي وبتصير الحرب هذي وقولوا قالها الاسد فيسع حلوا النزاع هذاا والاصابعه كان عروا روسهم معاش يغطوه وغربان ردو بالكم نصيحه من اخي الي اخوه وفكون من الحرب الاهليه الي قال عليها مدمر

  40. الاسد

    اليوم بعتوا امدادات الي اهالي الاصابعه من السلع التمويليه ووصلت هذهي الامدادات حتي غريان وقاموا غريان بمنع هذهي الامدادات الي الوصول الي اهالي الاصابعه ورجعت هذهي الشحنات الي طرابلس لاسف غريان عيب عليكم

  41. ياأهل الاصابعه متخفوش أحنا ثوار زنتان معكم في كل شي واليوم جتكم الاغاثه ومدخلهش غريان ليش درتوا زي كتائب الطاغيه علي مصراته وزنتان عيب عليكم يا غريان لكن الاصابعه رجله ومعهم السلاح أحدروا رهم اليوم شدهم غير ثوار زنتان قبل بيدخلو غريا لكن منبوش فتنه

  42. libyanovic

    السلام عليكم و رحمة من الله و بركاته انا احد احرار منطقة الاصابعة (الصمود) تعرفوا ليش كتبت الصمود لأن قبل و بعد حتى بعد حصار غريان لينا صامدين و احرار و نبي نتوجه بجزيل الشكر و العرفان لكل من هو حر و ثائر بالطريقة اللاقبلية و خاصة ثوار الزنتان و ككلة و يفرن و جادو وباقي حدودنا الغربية ومن الشرق القواسم بالتحديد و ياشباب غريان احذروا ممن يحاول درء الفتنة بيننا لان لو دارت المعركة لن تتوقف و شكراً

  43. الاسد

    بارك الله في اهل الزنتان واليوم وصلت قافله المساعدة وعن طريق الرابطه وصلت الي اهالي الاصابعه وشكرا لي اهل الرابطه

  44. في بادي الامر نترحم على جميع شهداء ثورتنا المجيدة وثانيا اتوجه بكلامي لذوي العقول الراجحة والافكار النيرة بأن نقوم كرجل واحد لدراء الفتن الحادثة بين هاتين المنطقتين واتوجه بكلامي الى اخوتنا في منطقة غريان وهذا لا استعطاف ولا استجداء بل آمل منكم سعة صدركم لكلامي هذا والتمعن فيه بعين العقل وليس النظرة القبلية التي زرعها هذا الطاغي والتي يكاد ان ينجح فيها فارجو ان لا تمنحوا ه هذه الفرصة الذهبية لانه اوب المناطق على بعضها وهذا سيقود لحرب اهلية وهي الفزاعة التي يمسك بها الغرب لدخول ليبيا الحبيبة فتذكروا كلام زيف الاحلام ابن الطاغي في خطابه الملعون والذي قال في اخره ان ليبيا ستكون حرب اهلية كسنة 1936 فلا تعطوه هذه الفرصة لننفذ له نحن الليبيين مبتغاه وارجعوا لصوت العقل وثالثا انا لا انكر ان بالاصابعة من هو مؤيد للطاغي ولكن بها ثوار خرجوا من اول يوم وقالوا يسقط النظام ولكن القبضة الحديدية لأزلامه منعت اهل المنطقة من الاسن\تمرار في التظاهر وذلك بالتهديد والوعيد واقسم لكم بالله بان في تلك الليلة اسمع الهتاف عن بعد 2 كم وهذا يدل على عدد المتظاهرين ضد الطاغية والحملة الاعلامية الكبيرة لاناس معظمهم بسطاء وليس لديهم ذلك الحجم من الثقافة العالية التي يستوعبون بها هذه الحملة مع تجنيد ازلام الطاغية لبعض الناس ببث الاشاعات ضد الثوار وافعالهم واخيرا اقول لكم افتحوا قلوبكم وانسوا احقادكم ومن عمل شي وكلوا امره لله واقطعوا الطريق على هذا المجرم الجبان الذي يريد زرع الفتنة ونحن الليبيين مشهورين بحل المشاكل في (المرابيع ) فقد جاء دورها الان وجاء دور الاعيان والمشايخ والاصهار والانساب ليتدخلوا بين هذين الجارين فلا لقطيعة الجيران ولا لتنفيذ افكار الطاغي الجبان . ارجو ان يجد صوتي هذا مسمعا لذوي العقول والمام الشمل والوجهاء بهاتين المنطقتين فلا تستغني الاصابعة عن غريان ولا تستغني غريان عن الاصابعة بحكم الجيرة والمصاهرة والصداقة بين اهل المنطقتين . سلام الله عليكم وسلامه لكم

  45. ولله ولله كلام الاصيبعي صح ميه باميه يارب انصر توار ليبيا حبيب الي مزال يتسقظوا شهداء يارب أنصرهم وخاصة توار مصراته وزنتان

    • رضا لاصيبعى

      الى اصيبعية حرة
      حترجع الاصابعة وتوقف على رجليها من
      جديد لان الاصابعة وفيه بالعهد وما عمرها
      فى حياتها خانت وحتشوفى بعيونك
      وتحية ليك يابنتنا

  46. وصدقتوا ارواحكم غيان ثوار هههههههههههههههههههههههه

  47. السلام ع . الاهل اهلي والمكان مكاني ماكان هجر الدار في امكاني قإذا ابتعدت يبقى هنا قلبي يدق يقول ذا عنواني الاصابعة الشموخ أجمل جنة فيها وجدت سعادتي واماني . وبعد تحية لجميع الشرفاء والاخوة العقلاء أصحاب التعليقات . نسأل الله ان ينهي هذه المحنة ع خير قولو آمين . خلونا من القطاف الفاضي وخلو وجهاء وأعيان الطرفين ياخدو فرصتهم وبعدين ساهل . يجي وقتنا حنا وجربونا قبل وعارفينها خشت الاصابعة شن اخرها . اخر حاجة ياnqsserdim عمري توا 25 سنة شفت شعابيط وجعاريد لكن زي منضرك مشفتش . احترم نفسك ياصعيدي وفوت تلقيح سنة 1901 وهات شن متعلم من تلقيحات جدد وأكبر ياراجل ومتخليش الكلام يزيد يغلط . احترام للعقال والناس الطيبة حول من قدامي.

  48. اااتحية لثوار غريان الحرة
    نننبي نقول حاجة للاصابعة والله العظيم درتوا وصمة عار فوق جبينكم قاعدين أدافعوا علي جرد يحفر تحت الارض لعنة الله عليكم وعليه ياجردان

  49. قوم إذا صفعت بالنعال وجوههم _ شكت النعال بأي ذنب تصفع / غريانية حره . لعنة الله علينا مرة وحدة يابنت الناس خليك من موضوع عار وما عار وقولي كلمة خير او اصكتي . مشكلتك بنت وقاعدين نتعاملو معاك بأصلنا . قولي ربي يفرج ع أهل ليبيا كلهم وإنت تسبي وتلعني زي العزوز . ربي يهدينا ويهديك . . .عاشت ليبيا حرة

  50. اصيبعي ثائر

    يجمع الله شمل ليبيا كلها وتبدا دولة نحبها كلنا ويحرر الله سرت وبن وليد قولو امي

  51. للسؤال فقط

    اذا كان الأصابعة ثوار فلماذا يؤخذ منكم السلاح ثوار غريان وككلة والزنتان!!!!!؟؟؟؟ وأذا كنت ياصابعة ثوار فلماذا أنتم؟؟؟؟ وكل مدن الجبل عندها سلاح بما في ذلك غريان وككلة والزنتان؟؟؟؟ ذلك لأن غريان وككلة والزنتان ثوار من اليوم الاول من الثورة وحتى غريان مع أنها لم تتحرر باكرا الا أنها كان منها ثوار من غريان يقاتلون مع ككلة والزنتان بينما الاصابعة لم يأتي أحد منهم ليقاتل في الجبل وأنا من ككلة وأعرف ما فعله الاصابعة في ككلة من تدمير ونهب والأصابعي اللي يخش باسم الزنتاني أني نقوله كانك راجل خش باسمك مش باسم الزنتان لان الزنتان أشرف من الاصابعة بمية مرة ولكن شن نقول ؟؟؟ أنت أصابعي وماينكر أصله الا الكلب . وكانك على الزنتان مافيش من يكره الاصابعة أكثر من غريان وككلة الا الزنتان وأني سمعت بوذني الزنتان يقولوا لما نمسحوا الاصابعة من وجه الارض . أما قولك أن اطفالكم يقولوا خوالي الزنتان فعيب عليكم تترجوا في الزنتان مش يحموكم من ككلة وغريان ومش الاطفالكم بس قالوا حتى نساوينكم قالو مادام الزنتان هني كله تمام؟؟؟؟ ههههههههههه واللي يقول كان الأصابعة عروا راسهم مش عارف شن يصير اني نقوللكم بالله عروا روسكم خلي نقطعوها

  52. ههههههههههه واللي يقول كان الاصابعة عروا راسهم مش عارف شن يصير ان نقوللكم بالله عروا روسكم خلي نقطعوها .///. لو كل كلب عوى ألقمته حجرا لأ صبح الصخر كل مثقال بدينار .سؤالك أطول من يوم السبت ومفيش كلمه لقت أختها . مانبوش الفتنة ياوحوي خشوا الاصابعه من قبل وغلطو في عد الموتى ربي يرحمهم هم عند ربي توا.اسمع نسواينا حتى هم حشو منكم فرخ بمذرة في رقبته . وفوت الدوه ع الحريم وادوي في الطويل . تحياتي لجميع شرفاء وتريس ككله وهما خوتنا واعترفو انهم غالطين في هدت يومها . ألهى بروحك ^_~. ضعيف زيد غادي

  53. حظي كدقيق قمح على الشوك نثروه . قالو لحفاة يوم ريح إجمعوه . قلت ياقوم إتركوه فمن أشقاه ربي ما أنتم بمسعدوه

  54. حظي كدقيق قمح على الشوك نثروه . قالو لحفاة يوم ريح إجمعوه . قلت ياقوم إتركوه. فمن أشقاه ربي ما أنتم بمسعدوه

  55. الأصابعة باعو الوطن (ليبيا) عهد الطليان
    والتاريخ يعيد نفسه لتورة 17 فبراير

  56. اصيبعي ثائر

    ثوار الصابع هم من حررور غريان من قبضة القذافي (اردتم ام لم تريدو )
    ام ام يعرو روصهم اني اصيبعي وهذاء اتيميل وخليك راجل apadpagar@yahoo.com
    وراصي عريت
    ام الي باعوه للطليان فلا يسعني الا ان اقول (الشارف الغرياني )
    ام ان الاصابعة فهي لاتمثل 100 شخص الاصابع 40000 نسمة
    (يجمع الله شمل ليبيا كلها وتبدا دولة نحبها كلنا ويحرر الله سرت وبن وليد قولو امي)

  57. السلام عليكم
    الصابعة تعري روصهم —الراجل اللي يقول الكلام هذاء اني اصيبعي ثائر من 17 فبراير وانت راجل وبنعري راصي وهذاء ايميلي apadpagar@yahoo.com
    عندك علم ان اول من دخلو غريان هم الاصابعة
    لا ننس جحفل غريان المقاتل
    لم قال ان الاصابعة خانة في الطلايان فلا يسعني ان اقول الا (الشارف البغرياني )
    اتي اعتراض الايميل موجود

  58. يا غريان ياسر من بث الفتنه بين أولاد الجبل زنتان تحب الاصابعه حتي في واحد زنتاني قتلي هل خونه غريان مصكرين طريق قالي مدوروش يا الاصابعه تعلوا لي زنتان وكان لي طرابلس بروه لي الرابطه وخلوهم زي الكلاب يفتحوا بروحهم الان عاصمة الجبل هي الزنتان يا غريان موت موت الاصابعه وزنتان وككله ويفرن خوت

  59. اصيبعي للمليون

    الحمد لله الذي انزل نصر الحق والذي اخمد نار الفتنة والشكر كل الشكر منبعد الله لاخوتنا الزنتان الذين الهمهم الله الحكمة وسخرهم لنصرة الحق وللاصابعة الشجعان الذين دافعو عن ارضهم وعرضهم عند اللزوم والخزي والعار على موقدي الفتن الذين لم يعتبرو من الذي حدث للقدافي عندما حاول ان يشعل الفتن فأل الى ما ال اليه
    (الاصابعة شجعان ………. لمن يجهل الاصابعة يقرأ التاريخ)

  60. طرابلسي حر

    اخر نكتة الاصابعة حرروا غريان هههههههههههههه . اليس ثوار غريان وككلة هما من حرروكم والدليل أنكم اخر مدينة في الجبل تتحرر (في الواقع بعد حتى العاصمة طرابلس) لأنكم بالليبي كنتم مع القذافي أما تحرير غريان فتم علي يد كتيبة شهداء غريان الذي تدربت في ككلة وخشت لغريان من القواسم وثوار ككلة يشهدون بذلك (صعب تشويه التاريخ يأصابعة) أما الاصابعة بالله سمولي كتيبة الثوار الذي تنتمي للأصابعة ؟ وبالله يأصابعة حسنوا املأكم لأنكم تكتبوا في اسمكم غلط (الصابعة = الاصابعة) وأسف وأعتذر لكل أصابعي شريف كنت في رسالتي قد أسأت اليه لأنه يستحيل يكونوا الاصابعة كلهم مع القذافي ومنهم شرفاء أكيد (كلامي يشمل الطحالب فقط) وشرفاء وأحرار غريان والأصابعة و ككلة و القلعة خوت

  61. مصراتي حر

    متقولوش شني تمدغو يا اصابعة اصلا التاريخ يعيد نفسه ومعادش تتكلموا علي الشارف الغرياني لانه شيخ جليل وساهم في حركة الجهاد الليبي بس الضاغية القدافي طمس شخصية الشارف وكثير من المجاهدين الاخرين .
    بعدين بالنسبة لكتيبة سحبان الاغلبية يا مقرحي يا مشاي يا قماطي واسئل اهل الزاوية عليها.

  62. مصراتي حر

    اقرو التاريخ بعدين تعالو تكلمو انا لا نع غريان لا مع الاصابعة انا مع ليبيا بس كل شي الا الشارف الغرياني فهو رجل جليل وننصح اهل الاصابعة قراءة كتاب سير الأجداد بين الإبتلاء والغبن والتخوين الكتاب هذا للدكتور فرج عبدالعزيز نجم اقرو هذا الكتاب بعدين تكلمو علي الشيخ الجليل الشارف الغرياني

    • رضا لاصيبعى

      مصراتى حر
      ودين ربى انت الا غريانى خوان
      اشرف منك مصراتة ياخوان

    • أصيبعي ومن يومي حر

      يامثقف معندكش علم أن الشارف الغرياني من البيضاء

  63. مصراتي حر

    ودين ربي يا اصيبعي انت الا مريض واعرف شن اطلع من فمك
    اصلا انا لا تكلمت علي الاصابعة لا علي غريان
    بس حبيت انوضح صورة طمسها الطاغية القذافي
    وهي حقيقة الشارف الغرياني
    لكن الباين حرم الكلام معاك لانك جاهل

  64. غرياني حر

    الاخ المصراتي فاعلم يا مصراتي اننا نتشرف بك وانت اخ عزيز وانك لما تجينا في غريان كأنك غرياني وهذا حبا وكرامة لأهل مصراته الحبيبة مصراته الصمود

  65. غرياني حر

    الأن تفتروا على الله كذبا وتقولو أنكم حررتوا غريان فاعلموا أن التاريخ سجل وخاصة في ثورة المعلومات الموجودة الان وقد فاتكم القطار يا أصابعة وأن كل ليبيا تعلم الحقيقة بما في ذلك ثوار الجبل كله وأن الحقيقة نقلتها قناة ليبيا الاحرار وليبياالحرة والجزيرة حيث علق صفوة الزيات بنفسة عن طريقة تحرير غريان وأعجب بطريقة تحريره وقال بالحرف الواحد أن ثوار غريان تجاوزا الاصابعة لأن بها تواجد مكثف لاتباع القذافي ونزلوا الجبل ثم صعدوا له من القواسم ثم أن مدينتكم لم تحرر الا بعد تحرير العاصمة طرابلس وحررها ثوار غريان وككلة وهذا نقلا عن القناةليبيا الحرة وليبيا الاحرار ولا حتى هما غراينة ويكرهكم -هههههههههه-

  66. غرياني حر

    خبر عاجل: العالم كله يتأمر على الأصابعة وفي معلومات أنه بالاشتراك مع كائنات فضائية ههههههه.

  67. غرياني و أفتخر

    بالله جاوبوا عن الاخ الككلي اللي كاتب (للسؤال فقط) اذا كنتم ثوار فلماذا يجردكم ثوار الزنتان وككلة و غريان و القلعة من السلاح؟ و وجاوبوا على (الطرابلسي حر) لماذا أنتو أخر مدينة في الجبل تتحرر؟(بعد العاصمة طرابلس في الواقع) ونزيدكم سؤال: لماذا لما دخلت كتيبة شهداء غريان وحررت غريان فر الكتايب للاصابعة وقصفت غريان من الاصابعة؟وسمولي كتيبة الثولر الذي تنتمي للأصابعة؟(ملاحظة : أرجوا الاجابة عن كل الاسئلة بدون تهرب)وفسروا لنا سبب مناشدات القائد الزنتاني الأخضر يطلب منكم أن تثوروا فوجد نفسه كمن يحرث في الصحراء

  68. غرياني و أفتخر

    والجواب عن كل هذه الاسئلة انكم كنتم مع القذافي وكنتم تقاتلون معه وزين لكم حمد بن رمضان سكرتير القذافي الذي هو منكم (اصابعي)فعلكم فأطعتموه ولا بتنكروه الأن أنه مش منكم وأنه أعطاكم السلاح وكونتوا معه جحفل الاصابعة المقاتل ولا ننسى المسيرة المليونية التي كانت مقررة في غريان فلم يأتيه أحد فحولوها للأصابعة فجأتم من كل فج عميق وكنتم من كل حدب تنسلون وشاهدتها كل سكان ليبيا على تلفزيون القنفود ولاننسى المقابر الجماعيةالتي تكتشف كل يوم بالقرب من الاصابعة والمجازر الذي ارتكبها جحفلكم في حق ثوار الزاوية وككلة ويفرن فلا حول ولا قوة الا بالله

  69. على قدر أهل العزم تأتي العزائم* * وتاتي على قدر الكريم الكرائم * * وتكبر في عين الصغير صغارها * * وتصغر في عين العظيم العظائم . . .عندك حق ماتعرفش شن أهل الاصابعة كرم وجود وتريسها يابرفلي وكان بش سامع أسأل الوالده تقولك طول تي طرابلسي حر انت . تي نوض بالك رحم ع تريس الجبل ومصراته اللي حرروك شن ادير 8 شهور تترقد تي انت تحررت ف رمضان الزح وجاي تنفخ ف ريشك حول من قدامي ورحمت بوك درت الصنه . وتلوح في الدوه وتقول اسف لشرفاء الا صابعه ولا شن هي تي ياسر وقت التشعبيط تم خليك أشبح تحت رجليك وقطف ولوح زغار معاش يديرو فيه العار هادا حشمتونا شن دخل الاملا تو تي ماهو افهم المعنى واجبد . . وبالنسبه للمصراتي هادا من مصراته اللي جنبنا هنا حيشاهم تريس مصراته من هالمنضر شيطولي ريقي توعوعو ماتبوش تكبرو . وتشاو عليكم في انتضار جديدكم وغريبكم

  70. وطني وان شغلت بالخلد عنه ” ” نازعتني اليه في الخلد نفسي …غرياني ضاربك الشعور ياصعيدي تخربش وتفرفش هلبا . قنالك أسأل ثوارك قالو في بن وليد مشاء الله حرروها . اسألهم قوللهم اول زوز سيارات خشو القواسم سيارات من وثاني وحده شن اسمه الراجل اللي راكب ع 14 . ونص . والككلي جاوبنا عليه هادا مع التحفظ ع الا سماء مش عارف إذا كان حق ككلي هو والمصراتي هاذا والا قاعدين تلعبو في وبيس ياصعايده . شوف من يفوت بيك خونا

  71. لما رأيت الجهل في الناس فاشيا .~. تجاهلت حتى ظن أني جاهل .~. فوا عجبا كم يدعي الفضل جاهل .~. و وأسفا كم يظهر النقص فاضل . ماينكر اصله كان اليهودي الكلب . خش عفس قول انا غرياني حر انا أصيبعي حر انا بنغالي عبد . اما كل مره تنقزلي بنك نيم وتسطرب ودس في الفتنه لا لا برا شم فتالتك يامريض مالعبنا كان في سوقكم .

  72. اصبر على حقد الحسود فان صبرك قاتله.فالنار تاكل بعضها ان لم تجد ماتاكله . . اصيبعي متفهم شي مسححححححححححححح

  73. اصبيعة القذافي قاتل بوها

    انا نبي نقول ان الثورة في ليبيا داروها رجالة في الجبهات من 17 فبراير لتوة قاعدين يحرروا في ليبيا من الطاغي وانتم قاعدين فاتحين ميعاد نسون واحنا حررنا الاصابعة واحنا ثوار انتم نسون فاضي ماعنده مايدير كان يتسلق على التريس اللي قاعدين فالجبهات من كل ليبيا في مية اصبيعي مؤيد ومية غرياني مؤيد ومئات الليبيين مؤيدين وفي اصابعة وغراينة يكرهوا القدافي من يوم يومهم مش توا وفي اللي انتفض وكبت واللي قعد يقاوم ,وفية اللي زي وزيك قاعد يلقح فالدواوي عالناس وانت لاثائر ولا تنكتب عليكم الثورة لان الثورة باش تخلص الليبين من الدكتاتورية مش باش واحد زيك يتسلق عالثوار ويقول كلام يسوء سمعة التوار اخس عالوقت

  74. الاصيبعي

    من انتم؟ نحنا غريان في الخونه لينا عنوان معروفين ومن زمان والشارف يشهد علينا
    الاصابعة حره

  75. الاصيبعي

    من انتم؟ نحنا غريان في الخونه لينا عنوان معروفين ومن زمان والشارف يشهد علينا
    الاصابعة حره

  76. أصيبعي محرار

    لأصابعه تريس و جدودنا مجاهدين مش زيكم انتم يا خوان و بروا نظفوا دمكم اللي سيلوه تريس الاصابعه لما فكرتوا تخشوا وو ليبيا كلهل كارهتكم حتى مصراته و سبها و بنغازي يا خوااااااااااااااان

  77. الاصيبعي

    الا صابعه حره ياغراينه غصبنا عنكم من يومنا معروفين اتريس ومانخافوش والتاريخ يشهد
    نضتوا في شهر 8 درتو روحكم اسود الجبل والله اضحكوا ههههههه

  78. ههههه حلوه ياأصبعي عندك الحق وشكرا لكل واحد من الاصابعه بنت الاصابعه الحره

  79. سمعوا يسرا من كلام تو أدعوا لثوار جبهه في سرت وبني وليد يستحقوا هم بس شكرا وأن يفتخروا بروحهم عاشت الاصابعه وليبيا حره

  80. سمعوا يسرا من كلام تو أدعوا لثوار جبهه في سرت وبني وليد يستحقوا هم بس شكرا وأن يفتخروا بروحهم عاشت الاصابعه وليبيا حره

  81. رياض لاصيبعى

    ان نجوبك يا غريانى اولا السلاح سلامنهالى الزنتان تقدر تقول علش اولا خوت الجد تانيا حمية لاصابعه الزنتان وحمية الزنتان لاصابعه هدا قلوه جددنا من زمان تالتا عاصمة الجبل وحنى ماناش اغبياء نسلمو سلحنا كلها وحنى مسلمناشى لى ككله ولقلعه وغريان غريان نهار جت بتاخد السلاح عندكم علم قدش قتيل وجريح وبعدين == وسؤل التانى علاش اخر منطقه تتحرار هدا يرجع لى اعلام القدفى يقول هدى عصبات وما هم بعصبات وانهم يخنبو ويسرقو وكان اعلام مضلل وخدينا الفكره لحماية المنطقه لان لاصابعة ميرضوش بهدا كلها وسؤل الرابع شهداء كتائب تارجعت لى كوبرى جندوبه عمارات جندوبه بتحديد وقامت بحرق كل الصوريخ والاسلاح خوف من وقوعها فى ايدى غير امنا وزنتانى لم قال لى لاصابعه تورو عارف لاصابعه كان تارت ومعها تازنتان شنو عارفنا تريس ميردوش فها خيره ما خاطب غريان عرفه ما تحميش الطهر عارف موقفكم واكبر دليل لم غشو الطالين بدون مقومه لغريان وعارف موقف لاصابعه شنو نبى نسالك سؤل علاش لم الكاتئب تقصف فى الزنتان طلعتو ضضربو فى الزكره قدام فندق الرابطة ما فكرتش الصوريخ والدبابات واليات التقيله لى تضرب فى الجبل من وين مصدرها مش من معسكرتكم يا دكتور وتفوت قدم خشومكم وشكلين مابحكى سلاام

  82. رياض لاصيبعى

    ياغريانى انى انجوبك ثوار ككله والقلعه مخدوش السلاح ومعهم غريان لم جيتو كليتو على روصكم وعارف ياغريانى قداش قتيل وجريح منكم ولا ندكرك ولاسره الى شدنهم من ككله عمنهم معمله طيبه عشيناهم وصناهم لى بوبة ككله ومن بعده قامو ثوار ككله الشرفاء بى اطلق سرح اسرانا لان ككله وزنتان الشرفاء يشبحو لاى الامام ويا غريانى يكفى علمنا عليكم وشكلاين ما بحكى

  83. اليــوم أذكــر كــل حــرف قالــہ . قــال انتظــر خبــر يكــون مماتــي . قــال انتظــر وقتــا ستكــون تذكــرني بعــد الممــات . أدعــو الالــہ الغفــور ان يثبتنــي ويزيــد إيمــان قلبــي ثباتــي . من سوف أفقــد بعــد ابــي وأذكــره فــي كــل حركاتــي وفــي سكناتــي ؟ قلــت يازمانــي ماتخبــئ لــي سيكــون خيــرا أم ستزيــد بلاتــي ؟ ابكــي فقيــدا ســوف يبقــى ذكــره طــول الزمــان ولــن تكفيــہ كلماتــي . وحــق ربــي لــو ابكــي طــول الدهــر فلــن يـہون الدمــع نــار مأساتــي . لــو كــان وصــف ماسأكتبــہ فلــن يكفــي مــداد الأرض أو تكفــي وريقاتــي . أو كــان دمــي مــداد فــوق أوراقــي مـہمـا سأكتــب لــن تكفــي قطراتــي . اللهم لا إله إلا انت سبحانك إني كنت من الظالمين . عاشت ليبيا حره

  84. مسكاوية وافتخر

    شكرا يا بنت غريان على قلتيه فى الاصابعه اولا غريان زيها زي الاصابعه ما انتفضتش من البدايه وللعلم غريان تحررت فى شهر اغسطس و فى يوم تحرير غريان كانوا مع ثوار ككله ثوار لاصابعه ومابينهم خوتى وانى ابن عمى استشهد فى التحرير

  85. محمد الحاجي

    ككلة انحبها

  86. ككلي وافتخر اني ككلي

    الله يبارك فيكم جميعا
    بالله عليكم فكونا من القبلية كلنا ليبيين وتوا نبو نبدو في بناء ليبيا مانبوش نلهو في مني حرر مني

  87. السلام عليكم. أنا غريان ووالله اللي تكتبوا فيه كله فتن. بس انا قريت معظم الكلام بنقول لأهلي في غريان ما تردوش عليهم هذه دوة بس والقافلة تسير والكلاب تنبح.

  88. وطن

    عندما تراجع اغلب التعليقات تدرك ان بناء ليبيا من جديد مهمة مستحيلة

  89. بسم الله ، النقاش يجب ان يكون موضوعي وبالحقائق والدليل لكي مايزعل حد ومانظلموش حد ، الطحالب موجودين في كل مكان في ككلة والزنتان والرجبان وغريان وغيرها وربما تصل نسبتهم 30% من مجموع السكان ولكن هولاء الطحالب لم يستطيعوا السيطرة على المناطق مثل استطاع طحالب الاصابعة لان ولائهم شديد للكايد ولحمد بن رمضان ونسبتهم اكثر ربما تصل الى 70 % من الاصابعة ولكن هذا لايجعلنا نظلم ثوار الاصابعة حتى وان كانوا قلة قليلة فهناك شرفاء في الاصابعة كانوا بجانب اخوتهم في ككلة والقلعة وعددهم ربما (50) ثائر بقيادة سعد الشرتاع ، اما غريان فانتفضت منذ يوم 18 او 19 فبراير ولكنها قمعت وتأخرت غريان كثيرا في معاودة الانتفاضة وهذا ما اساء لغريان بعض الشي رغم قناعتنا التامة بأن 80% من اهل غريان مع الثورة منذ البداية

  90. غريان مدينة نرفع بها روؤسنا لكن لا تخلو من الطحالب والاصابعة لا بد ان يكون فيها ثوار وربى يحفظ ليبيا كلها وياسر من نشر الفتن بين المدن

  91. يا ناس الكافر القدافى مات والمقصود حصل اعلاش يموتو اولادنا فى غريان واولادنا فى الأصابعة يا ناس اتقو الله واللى يبى يتكلم يقول كلمة خير ولا يسكت بالله عليكم

  92. حسبى الله ونعم الوكيل فى قورينا

  93. علي عبدالله

    مذات مره فيه واحد ماشي بسيارته في غريان في يوم مطر لقي واحد في الطريق قال اهو اركبه هالمواطن الحر اندير فيه معروف وبعد ما ركب هذا اللمواطن الحر صارت هدرزه بينهما للتعارف فهما منها صاحب السياره ان السيد اللي ركبه اصيبعي قصرت الهدرزه ومعادش صار حديث بينهما وعندما وصل صاحب السياره إلى مبنى الامن الداخلي في غريان قال للسيد تفضل إنزل وصلت مع السلامه فرد عليه السيد المواطن قاله بالله يا خوي انا ما نخدمش هنا انا راهوا نخدم في الخارجي وكان تبي حاجه من غادي تفضل قاله خير تفضل مشكور إنتهى فهمتوا حاجه من اشد طموحات لاصابعه من تجاوزه الصف السادس ووصوله إلى الاعدادي ان يصبح شخصيه مرموقه في البلاد ويخافو منه الناس ويتحقق كل هذا بان يخدم في الامن الداخلي سامحوني الخارجي قبل وبعدين الداخلي او امن الجماهيريه او الاستخبارات او الفريق الثوري او الجحفل او مكتب الاتصال على الاقل جندي اول نفر في الجيش واحسن كانه في الشرطه العسكريه او في كتيبة امحمد او خميس او الساعدي باش يحمي تراب الوطن ويدود عن الكرامه ويقدم تعظيم سلام لسياده لان مشوار الحياة ما زال طويل ولكن مسافة الالاف ميل تبداء بخطوة وبعدين يوفر من امتيازاته الماديه بالشويه عليه ويدخر من دخله باش يدير شاحنه يحمل بيها مواد البناء وكل شي حتى القمامه والغبار حاشا السامعين هذا مشروع المستقبل لضمان امن الصغار

  94. عبدالله الفقير

    اوردت وكالة انباء فرنس برس ان جنود المارينز يخططون لاغتيال بعض علما الدره والطاقه النوويه وحتى علماء الوراته والاستنسال من لاصابعه امثال الدكتوووور المهندس فرج جبيل دكتوراه في علم الوراثه والجينات والاستنسال بمرتبة الشرف من شوارع رومانيا وبولندا ايام زمان واخيه المخضرم ابراهيم اسف حتى هو راهو دكتووووور في الجراحه وكان فتح لواحد بطنه ينسى كل العده فيها من ابر ومشارط وغرز وغير ذلك وراهو من سيرته الذاتيه كان يوما رئيس مستشفى الشعبيه المركزي ر وامين الصحة بمنطقة الجبل كله واسفاه والدكتووور محمد حصن هذا دكتووور في علم تقنية الناتو سامحونا راهي النانو غلطنه هذا كان امين للجامعه كلها في الجبل الغربي وقعد حتى ماسك اليونيسكو في باريس يتكلم 7 لغوات وإلا اكثر والدكثوووور عبد الوهاب دكتوراه في الصوتيات وحتى شكسبير مفهمش منه وتحداه غادي غادي ز. وواء سامحونا مره رابطة الموظفين امدايره حفله للموظفين في الفندق السياحي بغريان واللي يبوهم يتشرفو دارولهم دعوه للحظور وفيه واحد واقف في المدخل امتع الصاله ينظم في حركة الدخول عاى جيت واحد يبي يدخل وقفه الموظف وسئله عن عمله وقاله منين انت من الرابطة يقصد رابطة الموظفين فاجابه السيد بكل فخر واعتزاز وحريه لا انا من لاصابعه قاله لا لاصابعه ما يدخلوا اهنا بره دور رابطة لاصابعه من يكون هذا السيد هذا الخبير بالطاقه الشمسيه والطاقات المتجددة كلها محمد موسى وراهوا كان امين شعبية الجبل من غريان لإلى جادو في الغرب ومزده في الجنوب يا سبحان الله وتبوا هالاشكال ما يوقفوش مع القردافي ونظامه العجيب هولإ بعض رجالات دولة الحقراء وزيد تحدا زيد يابوشفشوفه احنا ثوار لاصابعه لا احرار مع احترامنا للثوار الحقيقيين وشيوخ لاصابعه الافاظل الذين لايرظون بهذه المهازل وخاصه بعد مابانت ودن الحق والشمس زرقت

التعليقات مغلقة

شارك برأيك

* كيف ترى خدمات الانترنت التي تقدمها شركة ليبيا للاتصالات LTT؟
 

شارك برأيك

  صحيفة قورينا © جميع الحقوق محفوظة